意屋

营业中

休息中

食开对面红磡广场入边个间西餐厅，心血来潮上OpenRice 睇吓附近仲有冇其他做西餐嘅餐厅。喺佢哋个社交媒体网页入边见到佢哋嘅餐单，稳稳阵阵咁我就拣咗个烟三文鱼菠菜忌廉汁意大利粉，中午打电话叫外卖，老板娘态度都好好，叫我大概15分钟左右去攞外卖。去到我自己都有少少早，咁就喺门口等咗一阵，中午时间，入边餐厅坐满客人，我觉得如果过咗繁忙时间，喺入边坐喺度食都会几舒服。等咗一阵老板娘亲自将外卖递俾我，返上公司打开个盒一睇，觉得个份量对于我一个成年男人嚟讲，份量真系唔够食。如果烟三文鱼可以再加多两三块，我谂过性价比会比现时嘅更加吸引，因为食开对面红磡广场入边𠮶间西餐厅，人哋系比一大块三文鱼扒个客，咁两者一比较价钱相若，真系会将你比落去啰。味道算OK嘅，咁我都会向公司其他同事推介呢间餐厅，咁都希望餐厅越做越旺，生意兴隆。