隨變燒烤麻辣雞煲

营业中

休息中

朕对鸡煲可为情有独钟，一日朕既随从帮朕Check到，佐敦有间随变鸡煲，随左有鸡煲仲有烧烤，可以一次过满足哂两个愿望，放是朕就一行四人黎到试佢一试！一入到去，朕就当然拣左个冷气当风位坐啦，个阿姐听到之后就阴阴咀笑，然后同朕讲边度都一样啦，吓！一样，唔系化！朕当然无理会佢，继续坐冷气位啦！呢度用电炉，无火煮食，鸡煲上枱睇落比较稀，唔似一品个汁咁杰，个味就系偏辣，唔够麻，个鸡煲啲鸡唔够味，食落似煲汤鸡。而手切本地新鲜牛颈脊，因为牛颈脊郁动较多，肉质细致，结实，肥瘦适中，咬落质感同埋味道都比普通手切肥牛好得多。另外崩沙腩，牛味香浓。珊瑚蚌新鲜爽口。响玲卷同埋炸鱼皮就有啲过气，冧冧地。而鲜鱼卜就最紧要记得笃爆，如果唔系当你一口咬落去既时候，你唔笃爆佢，就佢爆你架啦！！！烧烤方面朕就叫左烧烟肉蕃茄，烟肉香脆可口，蕃茄仔烧熟后依然多汁，而多春鱼加左麻辣，一口咬落香脆，入面既春子在口内一粒粒爆开，加埋个麻辣既辣在口里由内而外咁扩散，辣HIHI！最终，同个阿姐既预言一样，坐边度都无用，成头大汗，亦都证明左食鸡煲系几大冷气都无用既！！！（况且呢度既冷气根本就唔够！！！）－－－－－完－－－－－