影片
更多
2020-03-30
37 浏览
今时今日，想出街食餐饭，都会想拣间质素高之余又唔会太多人，最重要就系餐厅要注重卫生，咁就食得安心又放心。所以去到铜锣湾，我同朋友就决定行远少少，去大坑揾野食。一向都觉得大坑呢个地方好特别，位于铜锣湾同天后之间，无商业既气息，而且仲带点外国风情，好似好多国家既菜式都会喺呢度揾到咁。今日我地就打算食日本菜，所以就拣左呢间NikuNiku.Niku Niku系一间主打和牛烧肉既日本餐厅。「NikuNiku」呢个咁可爱既名，原来译返做中文就系「肉肉」咁解。Niku系日文既发音，日文就系「肉」既意思，睇到个名就令人觉得呢度必定系肉类既专家。我地点左特上和牛小排、杂锦内脏盛合、日本赤鸡腿肉用黎烤肉同埋一个和牛Toro盖饭。🐮特上和牛小排 $390牛小排肉质扎实，而且油脂分布非常靓，简单烧好两面，食落口有入口即溶既感觉🐮杂锦内脏盛合 $200喺日本烧牛内脏系好普遍，亦都好受欢迎。有啲人会觉得动物既内脏有腥臭味，而且形状怪异，所以都唔会食。但事实上，只要经过正确处理，内脏就唔会有腥臭味，而且更加有一份独特既美味。所以，喺香港，通常只有高级既烧肉店先会提供各式各样既内脏。杂锦内脏盛合分别有牛舌、牛肠同埋
今时今日，想出街食餐饭，都会想拣间质素高之余又唔会太多人，最重要就系餐厅要注重卫生，咁就食得安心又放心。所以去到铜锣湾，我同朋友就决定行远少少，去大坑揾野食。一向都觉得大坑呢个地方好特别，位于铜锣湾同天后之间，无商业既气息，而且仲带点外国风情，好似好多国家既菜式都会喺呢度揾到咁。今日我地就打算食日本菜，所以就拣左呢间NikuNiku.
Niku Niku系一间主打和牛烧肉既日本餐厅。「NikuNiku」呢个咁可爱既名，原来译返做中文就系「肉肉」咁解。Niku系日文既发音，日文就系「肉」既意思，睇到个名就令人觉得呢度必定系肉类既专家。
我地点左特上和牛小排、杂锦内脏盛合、日本赤鸡腿肉用黎烤肉同埋一个和牛Toro盖饭。
🐮特上和牛小排 $390
牛小排肉质扎实，而且油脂分布非常靓，简单烧好两面，食落口有入口即溶既感觉
🐮杂锦内脏盛合 $200
喺日本烧牛内脏系好普遍，亦都好受欢迎。
有啲人会觉得动物既内脏有腥臭味，而且形状怪异，所以都唔会食。但事实上，只要经过正确处理，内脏就唔会有腥臭味，而且更加有一份独特既美味。所以，喺香港，通常只有高级既烧肉店先会提供各式各样既内脏。
杂锦内脏盛合分别有牛舌、牛肠同埋牛横隔膜。呢份咁丰富既盛合都只系$200, 实在非常抵食，尤其适合初尝内脏既朋友。
牛舌切片型式奉上，厚薄适中。牛舌口感嫩滑，肉质柔软而且多汁，系其他部位都唔能够媲美既。
牛横隔膜其实系帮助牛牛呼吸用既肌肉，所以其实佢又算系内脏，又算系牛肉。横隔膜肉质柔软、油花分布均匀、肉味浓烈，连唔太接受到牛内脏既朋友都话好食。
牛大肠比较肥美，当烧烤过后油香浓郁，而且仲有少少焦脆。牛肠口感特别柔软，虽然油脂多，但味道清爽，唔会觉得好油腻。
🐣日本赤鸡腿肉 $145
鸡腿肉非常滑，而且肉味浓郁，店铺有将鸡肉腌过，调味刚刚好。
🍚和牛Toro盖饭 $175
新鲜既生牛肉呈现系绝佳既粉红色，虽然系生牛肉，但完全无腥味或者觉得难以吞咽，配埋生鸡蛋捞饭食，非常美味。
张贴
