El Barrio (已結業)

我食嘅lunch set，头盘我拣咗烧粟米沙律，佢嘅粟米丝系喺一条新鲜粟米度切出嚟，然后佢加咗少少黑松露嘅酱同油，下面就系一啲新鲜嘅蔬菜，调味就系醋同橄榄油，成个沙律食落去嘅感觉都好夹，黑松露、醋、橄榄油，都可以和平相处，不过系个份量少咗啲，如果带返少少会好啲。主菜我拣咗烧西班牙酒地黄油春鸡半只，嚟到嘅时候嘅卖相好靓，春鸡下面有一啲菇类嘅有味饭，旁边有一啲烧过嘅蔬菜，饭就普通啦，但系啲烧过嘅蔬菜全部都好食👍🏻到只主角西班牙黄油春鸡，皮脆肉嫩，好多肉汁，佢嘅调味唔会太咸，恰到好处，而且佢基本上将只鸡拆咗骨（应该系大部份嘅骨）剩返鸡锤同鸡髀三条骨，所以食起上嚟好方便。