El Barrio (已結業)

我食嘅lunch set，頭盤我揀咗燒粟米沙律，佢嘅粟米絲係喺一條新鮮粟米度切出嚟，然後佢加咗少少黑松露嘅醬同油，下面就係一啲新鮮嘅蔬菜，調味就係醋同橄欖油，成個沙律食落去嘅感覺都好夾，黑松露、醋、橄欖油，都可以和平相處，不過係個份量少咗啲，如果帶返少少會好啲。主菜我揀咗燒西班牙酒地黃油春雞半隻，嚟到嘅時候嘅賣相好靚，春雞下面有一啲菇類嘅有味飯，旁邊有一啲燒過嘅蔬菜，飯就普通啦，但係啲燒過嘅蔬菜全部都好食👍🏻到隻主角西班牙黃油春雞，皮脆肉嫩，好多肉汁，佢嘅調味唔會太鹹，恰到好處，而且佢基本上將隻雞拆咗骨（應該係大部份嘅骨）剩返雞鎚同雞髀三條骨，所以食起上嚟好方便。

第三次幫襯今次係下午去食但已經轉晒一堆堆港式西餐廳set lunch奶茶轉返做港式叫咗個medium rare rib-eye set lunch朋友叫咗雞肉burger set lunch一黎上個薯片湯先，陰啲陰咁咸到口乾朋友醒，要沙律，沙律有一片燒粟米好似好好食佢個雞肉burger上先（無影到相）炸雞肉都叫幾大塊，大塊到兩邊凸咗出個包一吋但中間夾塊糖水菠蘿唔知想點應該係我哋睇漏咗係夏威夷風雞肉係大塊呀，但雞胸肉黎…鞋過我塊面佢有三份一碟都係加咗5條友spice的薯條到個rib-eye上菜，其實我都幾期待塊牛扒嚟都見到塊扒都有1/2cm厚都好似幾好食切開，明明我叫medium rare佢就畀咗medium我，但我都覺得奇怪，呢個師傅有咩理由會咁佢之前都唔係咁嘅。我就諗，算啦可能係佢忙得濟定係我落錯咗啦到後來問番個經理佢先話可能拎過嚟嗰陣調轉咗因為原來有另外一個客嗌咗medium結果變咗medium rare咁講下你唔走過嚟問我…………我睇返張單明明就係寫medium rare咁算啦係我自己冇出聲啫……其實佢以前做西班牙菜都好地地食過幾次都真係好欣賞不過好似聽到呢間餐廳嚟緊會有啲唔同有

聽朋友講呢間餐廳轉左新大廚啲餐牌又改過，想睇下有無改善。結果試完唔錯體驗，特別係個無花果沙律，我地3個人食佢$736二人餐都已經好飽。前菜沙丁魚配小薄餅好好食，其次係個水果茶，酸酸甜甜，比平時出面啲水果茶仲好飲啲員工服務真係好好，上菜既時候又會介紹下係咩菜，時不時都會睇下客人枱面啲水夠唔夠，相比起其他收你加一但又唔做野本身個甜品黎到望到個樣會好膩，點知食落去好脆，一食就知係新鮮即整出黎，甜甜地既甜品配小小水果，唔錯既體驗。

新開左間西班牙餐廳，假日就嚟試個lunch set啦😆Set有西班牙凍湯、一款tapas(西班牙小食)、餐飲西班牙凍湯由西瓜、蕃茄、蘿蔔、蔬菜製成，我覺得唔好飲😂·✨慢煮西班牙走地雞胸配牛油果忌廉醬汁🐔🥑 $88估唔到個雞胸又好滑噃，同埋都真係大塊嘅😚牛油果醬就唔夠多，多啲就更好😕·✨西班牙山豬火腿配流心蛋及烤薯仔🍳🥔 $118有個小插曲係原本想呢碟係完全冇山豬火腿（見最後），投訴完之後先再整過😂山豬火腿份量都算多嘅，流心蛋同薯仔本身就冇咩味，全靠火腿嘅鹹味😅，流心蛋係正常流心，而薯仔食落都有少少硬身·✨酥炸西班牙豬耳🐷炸豬耳又幾得意，脆得嚟又爽口，點蛋黃醬食正😎·✨油浸沙甸魚配西班牙脆包🐟純粹想食沙甸魚🤪個包真係脆冇呃人·🌟味道合格，但份量偏細，唔夠飽肚🙈應該唔會encore🙁

第二次幫襯，今次係食晚飯。8點半前後係黎到已經得返一台客。因為都夜就閂鋪結果叫咗個平平哋嘅二人餐一嚟就上咗個蕃茄凍湯先佢西芹嘅草青味真係好難頂個人嚟講唔鍾意如果鍾意食生西芹嘅人都會覺得幾好飲但覺得生西芹好食嘅人又未必鍾意飲凍嘅湯呢個番茄凍湯都未必可以取悅咁多人火腿拼盤平平凡凡烘麵包冇乜特色溫泉蛋露筍普普通通烤豬肉鞋得嚟叫做稔啲不過佢啲烤蔬菜伴菜加埋佢醬汁就真係幾吸引醬汁除咗有燒烤醬仲有另一個醬似乎有加蘋果或啤梨烤雞係幾驚喜，本身烤雞已經好juicy相信佢有浸過濃鹽水，但如果唔使呢個工序都做到咁juicy真係幾難得最驚喜係佢個雞皮同肉之間有填到麵包糠橄欖油蒜香草醬食起上嚟不論色香味口感多咗層次感整體嚟講呢間舖main course係算唔錯。但畢竟我未曾是匀佢所有菜，現階段只可以話呢間舖頭係有心做遺憾嘅係香港人一般都係比較鍾意食亞洲菜一講到食晚飯如果唔係大時大節或者係星期五六日一般嚟講都唔會無啦啦去食西餐仲要我去試嘅嗰日係星期一人流就更加少希望佢會越做越好順帶一提服務上嚟講嗰個店長定係經理真係幾殷勤但係其他侍應大部分都是懵盛盛特別係戴眼鏡嗰個哥哥仔成日唔知自己要企去邊咁講嘢又細聲過隻蚊其他

午餐食了燒雞，皮脆肉嫩，配菜和飯適宜，味道不太濃，值得推薦，屬於西班牙餐廳，午餐屬西餐類，見餐單都改了幾次，以迎合香港人口味。現在疫情雖然穩定，見有一侍應戴的口罩未有蓋好口鼻，望有待改善。

有水準西班牙午餐油封鴨腿夠入味，肉不太軟，但皮薄不油膩，入口稍多口感未算入口即融。 加配水果特飲，雖然較甜，但算清新可口。稍失手是芝士炸雞，中心部分竟然是粉紅色，自己未能接受剛拜完堂嘅雞，只好退還。最後溫提位女侍應不要老催下單，我們查詢午餐內容，她說不清楚，但就回一句說“不如你哋落單先”，真不知如何回應。

今日同屋企人唔知食乜，見新開就入去試吓，點知，超有驚喜!叫咗個三百幾蚊兩個人嘅晚餐，頭盤同主菜都有得揀。跟餐個凍湯好香，味道好豐富，配上脆卜卜麵包仲有風乾火腿拼臘腸頭盤揀咗薯仔蛋餅同埋黑松露粟米沙律都好好味。另外，兩道主菜都好有驚喜，揀咗雞雞，超香仲外脆內嫩；豬豬有啲難切，以為……原來切開入邊係淺粉紅色㗎，剛剛熟一啲都唔硬，而且好入味。美中不足係個餐唔包餐飲同甜品，所以加左少少錢，叫左兩杯汽水同兩份朱古力撻，食完好滿足

很令人驚喜的菜色，非常美味，可惜在商場比較隱蔽位置，經常被人忽視。但以我阿仔嘴刁嘅性格，佢都話值五粒星，食到連甜品都要叫埋。水果茶真是一絕，好味但係唔係好甜，極之好味

前菜點了蕃茄脆包，被餐名騙了包一點也不脆，有一刻懷疑過包曾經是脆的，但被超鮮蕃茄伴茄醬浸淋了，值得一提，小弟本身不吃新鮮蕃茄，食薯條亦不愛點茄汁，但廚師將此包的蕃茄切成細細粒，配上適量的鮮茄醬，食落絲毫沒有整片新鮮蕃茄的酸甜澀味。細份量只有兩件，大份量有四件，畢竟只是Tapas，對份量不應有任何要求，反而每人一包，淺嘗已足夠。無花果沙律正常操作加了黑醋的沙律，無花果很甜，沒甚麼推介，鍾意食無花果就點，沙律如常，只是平時食開的生果變了。豬臉頰辣炒椰菜花建議撈一撈先食，面頭啲辣粉有點辣！臉頰肉有點像無咁鹹既煙肉，整體很濃味，多辣多油的煮法，如果肉本身偏鹹，對味的衝擊就太大了，配搭椰菜花，不會淋淋，食材配搭一流。煎羊架家有兩老，肉只能夠食老，所以點了Well done⋯ 諗住要食硬實實的羊肉，結果驚喜萬分，外皮煎成脆邊，有些少燶，全熟的肉質絕對稱不上嫩，但絕不是硬實實，值得一讚！配菜有南瓜、黃椒、翠肉瓜、薯蓉、半個小薯仔，不要忘記試一試，他們都是有心思的伴碟，味道一流！羊架本身有四件，但家人急不及待拿走了兩件。味道：環境：服務：特色：泊車：（新鴻基商場本身泊車已很優惠，查閱商場額外泊車優惠泊

因為朋友家在附近，她又懶得出遠門所以相約在將軍澳中心找東西吃難得出去想找個舒服的地方悠閒食個Lunch一出天橋就見到呢間專攻西班牙菜的餐廳門口的服務員很親切，加上很少見到香港有西班牙菜所以和朋友決定去試一下前菜 / 餐湯西班牙凍湯 ★★★☆☆平日吃西餐，永遠只有紅湯白湯二選一但今次卻有一點特別聽服務員講，西班牙凍湯是當地的著名前菜特別是西班牙的夏天是非常炎熱，所以餐前一定會來一杯凍湯不知道是不是因為在戶外行街都很熱還是加了西瓜蓉，喝下去真的很涼快如果你是喜歡喝蔬菜汁，那你一定會很喜歡這個特式的前菜Tapas酥炸豬耳、水牛芝士 ★★★★☆薯仔奄列是必食之選，三款小食當中最出色的外表看起來好像蛋糕，口感厚實足料，蛋味十足如果沙律醬多一點就是壓倒性的5星星水牛芝士很好吃，也是水準之上不過身為芝士控的我非常喜歡吃，喜歡到吃完才記起自己無打卡慢煮西班牙走地雞胸配牛油果忌廉醬 ★★★★★因為減肥所以想食得比較健康，所以點了雞胸本身沒有期待健康的東西會好吃，但這個意外的好吃雞胸很入味，不像其他地方吃的又乾又柴伴以沙律菜和紅菜頭，很健康我很喜歡西班牙魚湯飯配松葉蟹 ★★★☆☆因為是朋友叫的，偷吃了幾口

近來在家附近開了一間西餐廳，平時午餐都比較多人，有一次行過，見到有位，就入去試試。這間應該是一間西班牙式西餐廳，入邊有外籍嘅餐廳服務員，廚師亦是外籍人士。我看見入面有幾位把酒談心的顧客，相信這地方也是傾偈嘅好地方。點了一個二人餐，價錢不是太大眾化，不過味道確實幾好。前菜有三碟，因為蝦賣哂所以換咗辣肉腸，而我覺得這個辣肉腸非常美味，洋蔥甜甜的。西班牙飯味道算是中等。黃油雞味道亦不錯，剛上枱時是熱呼呼的，雞皮非常脆，味道亦很好，不油膩。甜品是朱古力撻，比較普通。綜合來說今餐差我覺得幾滿意。

當日諗住搵個中學同學聚舊，約咗係將軍澳中心商場，本身諗住去海X撈，但好多人等位，大家耐冇見都想搵個坐得耐啲、唔趕人走傾到偈既餐廳，就見到有間新開嘅餐廳，食西班牙菜，見冇乜人就入去試吓，冇特別期望，但反而有驚喜！餐廳環境幾舒服😌當晚人唔多，餐廳播放西班牙音樂。侍應推介左個二人晚餐，唔會好似一般西餐咁死板，比湯同沙律你，頭盤係西班牙風乾火腿沙律拼盤，味道及份量OK啦；Tapas有3款，包括鮮蕃茄西班牙脆包、西班牙炒辣肉腸、西班牙薯仔奄列；主菜係西班牙海鮮飯同西班牙烤豬鞍架，但係當日餐廳賣晒、問我哋可唔可以轉烤全魚，但我同朋友都唔食魚既，於是我地問轉第二款得唔得？我哋睇中左脆皮西班牙乳豬，餐廳經理非常識做，比咗個驚喜又合理既優惠價我地去upgrade，試業期間果然有着數，兩個主菜個份量好夠，西班牙海鮮飯海鮮份量多，飯底有海鮮味；脆皮西班牙燒乳豬皮多汁，西班牙豬肉味濃郁，伊比利亞豬果然係豬肉嘅皇道，恰到好處。加埋杯正宗西班牙Estrella Damm 風味生啤酒簡直一流！我哋兩個都好盡興，真心性價比高，兩位連加一都係$800

今日下午約了一位好友於附近晚餐，好友偏好西餐，所以去咗將軍澳中心，很快便決定試試一間新開西班牙餐廳El Barrio 。餐廳格局四正，簡約時尚，我自己都覺得幾有西班牙feel ! 曾經去過好多次西班牙, 呢間餐廳入到去嘅時候不會予人一份拘謹的感覺。頭盤小吃Tapas首推西班牙風乾火腿,風乾火腿是味濃之物，配上一杯含果香的氣酒 Sangria, 剛好用來平衡一下口腔中餘下的膩感。蛋餅都幾有西班牙風味！但係真係要挑剔底下，我個人覺得蛋餅味道濃郁！因為比較喜愛淡味！接下來是主菜時間，烤焗乳豬是西班牙菜的名物，當然不會錯過。廚師煮法用烤焗以保肉嫩多汁，繼而挑選最細嫩部份！再放回燒脆了的豬皮，十分美味可口。更另人驚喜的是配上的醬汁，味道濃郁細緻，伴上乳豬吃收畫龍點睛之效。最有驚喜係南瓜伴菜，老實堅係好食！睇得出廚師係用心去做呢一道菜西班牙海鮮飯！海鮮新鮮，飯味濃郁！總括都幾滿意

抱住試新嘢心態去食，更加無奢望可以食到正宗西班牙菜，價錢已經唔算平，但除咗lunch set包嘅小食+檸茶檸水比較正常外，主食都好難食,真係唔會再試🥲////////////////////////////////////////////////////////////////////////////////////////////////////////////////////////