奇趣餅家

营业中

休息中

🍅豆沙烧饼：约$20/5呢间嘅烧饼薄薄地，皮微甜，好软糯，啱啱买时微暖，甚至有d烟韧，口感好好。馅方面，量唔多(毕竟块饼唔厚，皮薄馅都薄)，但系就分布得好均匀，几乎每啖都有。豆沙甜度稍高，但系因为分量不多嘅关系，反而不觉甜腻。整体而言，口感好好，啖啖都有豆沙，甜而不腻，食完好满足。🍅香蕉糕 约$20/6讲真香蕉糕到到差唔多，最多系软硬度同甜度不同钟意边款见仁见智。呢间香蕉糕就偏硬，不黏腻，表面有好多熟糯米粉，因此唔会痴到一旧旧。咬开一望，可以明显清楚见到加左好多砂糖，入面一粒粒，唔会好似一旧粉团咁。香蕉糕甜度都系偏高噶啦，呢间嘅都唔例外，细细啖慢慢食会有香甜香蕉味，但系食得多/大啖食就会觉得甜腻。整体而言，呢个价钱尚算合理，味道正常。有得拣我会选择去附近正隆行买$10/4果d，大条好多。🍅皮蛋酥 约$18/2呢个皮蛋酥真系超重手，有我手掌咁大。外皮比较薄，底部酥脆，值得一赞。入面系莲蓉，包住约四分一个皮蛋，料好足。莲蓉就自然系甜d噶啦，但系皮蛋嘅碱水(类似咁嘅野?)味就正好中和翻。味道正常，赢系分量上。