Via Tokyo (已結業)

焙茶雪糕茶味好出，有茶香带轻微苦涩，食到有微粒，应该系茶叶碎之类的。唔算太甜，质感软滑，溶得都算快，影相要快啲手～抺茶雪糕茶味相较焙茶冇咁出，牛奶既比例较焙茶重。当然，会甜过焙茶。本身expect会有回甘，可惜冇，有少少失望。红豆蓉红豆睇落去一粒粒，煮得够耐，入口粉粉地、够淋又不失口感。红豆本身既味道唔太明显，反而甜味出啲，成杯雪糕最甜既莫过于红豆了～白玉丸子系无味既糯米团子。丸子质地软糯烟韧，有咬口，作为烟韧控觉得几好！焙茶丸子认真咀嚼先食到少少茶味，质地同白玉丸子一样。配埋红豆一齐食可以中和红豆既甜味。抺茶蕨饼表面既抺茶粉有些少苦涩回甘，不过回甘一瞬即逝。蕨饼味道比我想像中甜，质地软淋。若然蕨饼质地挺身啲同埋减甜就更好。雪糕筒个筒好大～以为雪糕筒质地好脆，点知食落唔算脆，好听啲系叫松化？掂住雪糕果啲部份，可以用淋黎形容如果脆啲就好啦。整体而言，冇我想像中咁出色。焙茶定抺茶？因为我中意有些少回甘，下次会选择净食焙茶。（抺茶雪糕个人认为x利做得更好～雪糕质地更挺身、茶味更出亦有回甘）配料中个人较偏好白玉丸子。不过下次食既话，我会选择食净雪糕，配料既存在可有可无。雪糕份量其实唔少，仲试埋