花貝日本料理 (已結業)

新年期间冇基本定食系理解嘅，但只系得一款价值$688嘅午市套餐都算。但系上完前菜之后，差唔多等咗20分钟先有三款鱼生，最简单嘅带子都唔鲜甜。之后再足足等咗一个钟先上到寿司。想讲，全场连埋我张枱只有11个客(房内另计)隔离枱三位客人已经差唔多食完，寿司吧几位眼见就系散叫。知道房间入面就有另一枱客嘅，可能𠮶度就多少少客喇！理解全场得两位师傅做嘢，系会耐少少！等得耐都可以暂且忍吓，但系食物质素就真系不敢恭维喇！所有鱼生除咗雪味，我食唔到鲜味。海胆嘅苦涩味，真系吐都吐唔坊；寿司嘅饭夹起系散嘅！等完咁耐，真系好失望，我完全揾唔到有乜嘢可以值得我赞嘅地方！