影片
更多
2019-12-09
40 浏览
🐷🐷🐷🐷🐷最近好少带妈咪食中餐，佢开始有说话俾我听👀 见到Openrice杭州老字号 张生记 而家做紧一个套餐买一送一既优惠😌 揾日放假就尽下孝子嘅责任，带妈妈食返餐体面嘅中餐。▪️三潭印月宴 ($798/person)👉🏻 小食($38) 西湖龙井($22/person)小食一共有两款，酒浸红枣同酸菜。红枣酒味浓郁，酸菜同豆腐夹得几好。👉🏻 江南凉菜两味海蜇酸酸地，非常开胃，咬落去口感爽脆，令人食欲大开。墨汁肠切片。第一次识用墨汁制既肠仔，味道非常特别，墨汁嘅香味比我想像中浓郁同吸引，可能之后有钱都食唔到啲咁特别凉菜！👉🏻 张生记老鸭煲超级钟意饮老火汤嘅我，一睇到入面嘅材料就开心到不得了，汤底非常足料，有一丝丝嘅甘荀，金华火腿片，鸭肉，甚至连花胶都有🥺我觉得至少值$100/person。👉🏻 麻婆豆腐龙虾仔卖相十分有气派，麻婆豆腐辣道适中，麻同辣之间嘅平衡拿捏得好好，龙虾肉一啖一啖咬落去嘅时候，竟然仲食到龙虾肉本来嘅甜味，并冇比辣味盖住，听讲系张生记既招牌菜式，曾经获奖，果然名不虚传！👉🏻 杭州东坡牛肉伴南瓜饼东坡肉就食得多，用牛肉制嘅东坡肉你食过未啊😚 卖相睇落黑蚊蚊，但食落口真系惊
最近好少带妈咪食中餐，佢开始有说话俾我听👀 见到Openrice杭州老字号 张生记 而家做紧一个套餐买一送一既优惠😌 揾日放假就尽下孝子嘅责任，带妈妈食返餐体面嘅中餐。
▪️三潭印月宴 ($798/person)
👉🏻 小食($38) 西湖龙井($22/person)
小食一共有两款，酒浸红枣同酸菜。红枣酒味浓郁，酸菜同豆腐夹得几好。
👉🏻 江南凉菜两味
海蜇酸酸地，非常开胃，咬落去口感爽脆，令人食欲大开。
墨汁肠切片。第一次识用墨汁制既肠仔，味道非常特别，墨汁嘅香味比我想像中浓郁同吸引，可能之后有钱都食唔到啲咁特别凉菜！
👉🏻 张生记老鸭煲
超级钟意饮老火汤嘅我，一睇到入面嘅材料就开心到不得了，汤底非常足料，有一丝丝嘅甘荀，金华火腿片，鸭肉，甚至连花胶都有🥺我觉得至少值$100/person。
👉🏻 麻婆豆腐龙虾仔
卖相十分有气派，麻婆豆腐辣道适中，麻同辣之间嘅平衡拿捏得好好，龙虾肉一啖一啖咬落去嘅时候，竟然仲食到龙虾肉本来嘅甜味，并冇比辣味盖住，听讲系张生记既招牌菜式，曾经获奖，果然名不虚传！
👉🏻 杭州东坡牛肉伴南瓜饼
东坡肉就食得多，用牛肉制嘅东坡肉你食过未啊😚 卖相睇落黑蚊蚊，但食落口真系惊为天人。肉质松软，牛肉十分入味，妈咪话好似系个口入面溶左咁。真系好想再食多旧... 南瓜仔好可爱，入面系红豆蓉，一咸一甜配搭好好。
👉🏻 荷塘小炒
食咁多咁精采嘅菜式，中间要食返啲清淡嘅蔬菜黎调剂下！
👉🏻 蟹粉小笼包
皮薄馅靓，汤汁十足。
👉🏻 酒酿丸子
有啲荔枝嘅香甜味道，唔知道系咪酒精酿米时衍生出嚟嘅甜味。丸子弹牙，内里有红豆馅，为呢一个套餐画上完美句号😘
🔸Overall ($880+1)
📍 张生记 (铜锣湾)
铜锣湾新宁道8号中国太平大厦2楼
张贴
