海雲天

营业中

休息中

五星级酒店推出任食点心放题，本来都满心欢喜谂住实有惊喜。可惜最后只有惊无喜，可能系我俾佢「五星级酒店」嘅牌头呃到，查实佢只系屋邨啲平价酒楼咁嘅质素，无论服务、食物定系QC，只要你无要求，其实都可以接受。先唔讲门口𠮶位「知客」呀姐态度有几串，讲咗啲食物质素先：蒸饱系暖嘅、炸物系冻嘅、点菜一件嚟一份、调转一份就嚟一件、啲呀姐唔睇枱号就放啲嘢响你张枱、明明系「扬州炒饭走叉烧」就改个名做「巴马火腿炒饭」......真系讲都讲唔晒，总括嚟讲食物味道系正常嘅，但你一定唔好同其他屋邨酒楼比较，起码人哋都会整热啲食物先上枱，唔似呢间海景酒楼求其揾嘢塞饱你就算。无下次。仲有，多谢门口个知客呀姐串串贡，等我踏入门口嘅一刻间，有如置身屋邨酒楼嘅感觉。