隨心 (已搬遷) 新店位置

东南亚美食我最爱既系喇沙面，其实有啲慕名而来，可惜太失望啦。用米线配搭米粉，怪怪的，个汤底无鲜味，小小嘅虾味道都无，得椰香味道，而且好油，连即食喇沙面既汤底都比依到既好食。其他海鲜配料都好差，鱼片无味，元贝虽然好大粒，口感似系擦子胶，蟹楼最正常。最后兄食咗三份一。我曾经喺星加坡食过地道嘅喇沙面，呢度嘅系咪正宗我唔知道，但系肯定可以讲绝对唔系一碗喇沙面。午餐无肉骨茶选择，只好散叫再加一个白饭，个肉骨茶香味好够，饮到有药材味，但系🐯话猪骨肉都系冇味道。中午时间的确有好多人，但系我哋啱啱嚟到嘅时候未到高峰期，餐厅入边仲有好多空位，但系个侍应姐姐好不满我哋两个人坐四人枱，其实我哋唔介意搭枱，可唔可以礼貌少少同我地讲。