影片
更多
2019-02-17
4036 浏览
近年多咗啲乜乜乜水产日本料理店，顾名思义，主打就喺食「海鲜」，日文汉字就喺「浜烧」。小弟以往都食过好几次，不过，就真喺唔多，因为消费相对高吖嘛，但喺，食亲浜烧都喺好嘅体验嚟。今次趁农历年，约咗其中一位表姨甥女嚟食晏，食啲好嘢贺佢完成本书，卒之出关。入到去，一派居酒屋嘅格局，又有好多日式摆设，再者，配合柔和嘅灯光，就算晏昼嚟都蛮有气氛。当然，唔少得啲日本海产店嘅旗布，天花陈设咗个大鱼网，甚具渔岸风情，加上枱上已放设浜烧专用嘅烤炉，旁边喺酱油、用具……等等，喺要明确等客人都知佢哋喺有做浜烧嘛。安座之后，就睇睇有啲咩食，略略扫描一次个餐牌，就会见到选择甚多，包括：期间限定、刺身、三文鱼特色菜、寿司、卷物、贝烧、浜烧、野菜、沙律、酒肴、扬物、天妇罗、逸品、锅物、食事、甘味，可谓应有尽有。饮品类同样选择多多，如烧酌梳打、烧酌拼茶、特饮……等等，当然，汽水、啤酒、清酒就必备架啦。最好喺无论食物定饮品，均图文并茂，心里有个底吖嘛。此外，仲有块黑板仔，写咗好多日本直送嘅「新鲜」货，以及一啲推广产品。菠萝梳打烧酎 $58小弟一向都唔多好酒，但表姨甥女就贪得意，点咗杯菠萝梳打烧酎，小试一口，酒精度唔高，却
入到去，一派居酒屋嘅格局，又有好多日式摆设，再者，配合柔和嘅灯光，就算晏昼嚟都蛮有气氛。
当然，唔少得啲日本海产店嘅旗布，天花陈设咗个大鱼网，甚具渔岸风情，加上枱上已放设浜烧专用嘅烤炉，旁边喺酱油、用具……等等，喺要明确等客人都知佢哋喺有做浜烧嘛。
安座之后，就睇睇有啲咩食，略略扫描一次个餐牌，就会见到选择甚多，包括：期间限定、刺身、三文鱼特色菜、寿司、卷物、贝烧、浜烧、野菜、沙律、酒肴、扬物、天妇罗、逸品、锅物、食事、甘味，可谓应有尽有。
饮品类同样选择多多，如烧酌梳打、烧酌拼茶、特饮……等等，当然，汽水、啤酒、清酒就必备架啦。最好喺无论食物定饮品，均图文并茂，心里有个底吖嘛。
此外，仲有块黑板仔，写咗好多日本直送嘅「新鲜」货，以及一啲推广产品。
菠萝梳打烧酎 $58小弟一向都唔多好酒，但表姨甥女就贪得意，点咗杯菠萝梳打烧酎，小试一口，酒精度唔高，却有菠萝嘅清甜味，非常之易入口。
白桃梳打 $52小弟就喜欢白桃多啲，简单来一杯白桃梳打，冰冰凉凉，又够晒大杯，好似饮极都有咁，好啱一阵食浜烧时作配合。
蟹子蟹肉薯仔沙律 $78啲薯仔沙律搓到成个波咁，撒上大量蟹籽，配合埋啲车厘茄，卖相清爽。老实讲，蟹肉已混入晌啲薯仔沙律里面，但食落感觉唔喺好多，但蟹籽就令到个薯仔沙律软软腍腍中多添卜卜脆爽口感。
刺身3盛 $160 + 赤贝 $68 / 只店员话佢哋返咗唔少新鲜飞机货，加上3盛啲刺身都会拣啲时令嘢，值得一试嘅。以小木盆再加上精致嘅摆盘，单喺卖相睇见都已经赏心乐事啦！而3款刺身有三文鱼、鲷鱼及帆立贝，再额外加上赤贝，睇色泽都觉得好对办，就连啲日本芥末都喺由鲜山葵即磨货色。
刺身3盛 + 赤贝
33 浏览
0 赞好
0 留言
虽然三文鱼较普及大路，但市面未必间间店都喺好货色。眼前嘅三文，色泽光亮，唔会暗暗哑哑，入口肥美油润，食得出喺上好嘅货色。
鲷鱼雪白嘅鱼肉，咬落带点点爽口感，亮点喺鱼味鲜甜，沾丁点酱油，更突出到其新鲜度。
帆立贝刺身级嘅帆立贝，予人感觉好唔同，既大粒有睇头，又厚身，极富口感，最重要都喺软绵鲜味。
赤贝贝类刺身一向都有市场，其实，靓嘅贝类亦唔便宜架。新鲜嘅赤贝，甚具咬口，咬落柔韧有嚼头，而且，鲜味十足。
一轮沙律、刺身嚟热身后，喺时候轮到浜烧嘞，新鲜嘅帆立贝及鲍鱼，未烧都吸引呀，尤其后者，坚喺新鲜货色，因为仲喺郁吓郁吓架。
浜烧
31 浏览
0 赞好
0 留言
虽然无讲明喺唔喺嚟自北海道，但食过就知喺靓货。全程有店员帮忙处理，否则，衰喺小弟手就嘥咗啲靓食材啦。当帆立贝烧到咁上下，就加啲清酒同些少酱油，带子食落鲜甜弹牙，带微微酒香，而壳内嘅汤汁更千祈咪错过，全部都喺精华。
鲍鱼矶烧 $68 / 只喺唔喺南非种呢？唔知，但同样具质素，一样下少许清酒嚟吊吊味，简简单单烧过，时间拿捏好，故咬落柔韧却有弹性，鲍鱼味比想像中突出，兼有少少炭火香嘅感觉。如果，顺手剪为小件，更方便食客享用。
蟹味噌甲罗烧 $68、黑松露蟹肉甲罗烧 $68浜烧除咗有常见嘅海鲜之外，甲罗烧亦喺另一浜烧常客菜，只卖$68一客真喺好抵，因为，以往都食过，见一般都卖到成八、九十蚊。经处理过嘅蟹壳，连埋蟹膏、蟹肉、蟹籽、葱花及鹌鹑蛋，放晌小竹箩度，睇见都好想快啲有得食。
蟹味噌甲罗烧、黑松露蟹肉甲罗烧
26 浏览
0 赞好
0 留言
甲罗烧亦由店员帮忙烤熟，三扒两拨就搞掂，热辣辣嘅混合蟹膏，滔一羹入口，甘腴浓香，口感绵密细滑，食完，都仲觉得有一朕余韵晌口腔盘旋。至于另一个，就加入黑松露，令幽香味更具层次。净食其实单一咗少少，如能配少少薄片多士就更好。不过，我哋都醒，剩一半用嚟捞饭，坚喺得弹喇呀！
海鲜炒饭 $78最后加个食事打底，炒饭就方便大家「些牙」，个饭亦炒得几唔错㖞，除饭粒分明，入口够爽又唔油之外，仲有好多配料，如鱿鱼、蚬肉、虾粒，更伴以蟹籽、葱花添。
无论刺身，抑或浜烧嘅海鲜，都感受到食材新鲜，而服务方面，都让我哋感到好称心。最后，祝愿表姨甥女本书大卖，话晒都辛苦咗几个月嘛！
张贴
