聚興家

营业中

休息中

太子同深水埗一带都真系可以话高手云集，今次老友记带队去食好西就试咗呢一间位于太子地铁站附近的小店，叫咗六样野食，基本上样样都好好食，当中就以上汤澳洲龙虾煎米粉底最出色。因为呢间餐厅有C区，所以可以多D人坐埋一枱，真开心，多D人可以试多D唔同款式嘅食物。我地都一齐推举上汤澳洲龙虾煎米粉底系最精彩最好食嘅，龙虾新鲜唔洗讲，反而个煎米粉底同埋佢个汁真系有惊喜，米粉本身就系普通野，不过要煎得够薄够脆真一D都唔容易，功夫同心机都要兼备，仲要加埋个汁之后唔会令个煎米粉即刻淋晒，又系一绝，而且个汁真系好好食，可以话系成碟𩠌嘅灵魂，真系无得输。豆酥蟹又系一绝，印象中出面好少食到用豆酥煮嘅蟹，D豆酥本身就已经好香，当佢吸收埋D蟹嘅精华，净系D豆酥都可以𩠌到两碗饭。酸菜鱼个汤底调得好好，味道适中，唔会抢走晒条鱼嘅鲜味，条鱼就固然新鲜啦，应该系用大条嘅桂花鱼，鱼肉好滑而且唔多骨，唔怪之得好多人都叫。豉椒炒蚬同生炒排骨都好食嘅，不过相比之前𠮶几样野即刻比下去。