Vivere

营业中

休息中

XO仔生月第二炮由四位靓女舞伴安排于周末有DJ打碟兼变装表演嘅潮店「Vivere」大玩活著VIVA！楼上意大利餐厅占用面积全层，楼底高高，开扬通爽，而且仲有维港靓景睇。中央位置为DJ嘅大舞台，周六晚餐后餐室四周即摇身变成酒吧及舞池，相当热闹。一早订座嘅五人派对喺最杀食嘅弧形一角进行，唯一圆櫈仔个椅背位较矮，未为最舒适，有酒意后尤其危险。黑色嘅云石餐桌上摆有齐备嘅自用餐具。红色皮套餐牌只有英文版，女伴们听从哥哥仔推介点选咗几款前菜、沙律、意粉、主菜大家分黎食。Avocado Salad（$128）：沙律内含爽脆嘅青瓜、蕃茄、洋葱等杂菜，鲜润嘅牛油果主角亦十分足量，个人最欣赏当中混入咗啲甜中带微微酸酸嘅神石榴果粒，直令沙律倍添清新！Caesar Salad（$108）：反而平时稳阵之选嘅凯撒沙律就较为失色，除咗沙律酱偏少，炸面包大粒得黎竟然全部腍哂，烟肉丝仲要又硬又韧，不吃也吧。Tomato Bruschetta（$78）：意式蕃茄多士一客五件，沾上黑醋及碎芝嘅蕃茄粒粒开胃爽润，无奈败笔在于坚硬嘅多士，咬完都觉得牙仔痛痛。Stuffed Mushrooms（$88）：一客四件嘅酿菇菇一口一