熊小館

营业中

休息中

最近去咗九龙湾嘅超萌小熊人气西餐厅「熊小馆」食晚餐，依度嘅装潢、装饰全部都融入咗熊啤啤嘅元素，简直系熊熊大集合，作为熊仔主题亲子餐厅，依度除咗有得预约熊啤啤主题室，仲有提供熊熊乐园，小朋友可以喺入面挽煮饭仔、睇书、挽公仔，真系好适合一家大细嚟吃喝玩乐。*此餐厅收取加一服务费。二人套餐B（单点$298），蜂蜜BBQ烧猪仔骨，猪肋骨肉质软腍，略嫌肉质比较瘦削，食落好入味，味道甜咸；杂菜沙律，内有罗马生菜、车厘茄、粟米，配以黑醋沙律汁食用，味道更佳；粗切薯条，即叫即炸，配以番茄酱。番茄奶油吞拿鱼螺丝粉（跟餐$0），吞拿鱼好大件，食落有鲜味，配料包括有车厘茄、青豆，螺丝粉口感软硬适中，表面挂满番茄奶油酱汁，略嫌奶油味道欠奉。啤酒脆浆炸洋葱圈（单点$48），啤酒脆浆为一种西式油炸手法，可以令炸物嘅口感变得更轻盈、清脆，所以洋葱圈炸衣口感松脆，食落不油腻，而且好厚实，唔会食到好容易碎裂，洋葱味道清甜，配以柠檬汁、美乃滋食用，味道清爽。2客欧陆式浓汤配牛油法包（跟餐$0），罗宋汤味道正宗，内有洋葱、西芹、马铃薯、红萝卜，法包口感酥脆，表面铺满蒜香香草牛油，食落好香口。2客今日精选甜品（跟餐$0），表