郭仔記粥麵專家

营业中

休息中

今日同朋友上深圳，咁岩朋友系住系大埔，所以我就入左黎同佢食个早餐先走，佢推介左我食一间食粥粉面既店到食早餐，佢平时都成日黎食野。呢到有好多唔同既粥品，岩哂我，呢排成日出街食啲重口味既野，终于可以食返啲清啖既野食清下肠胃。除左有粥粉面之外，阿姐仲会企系店面都卖小食。入面系小店既设计，但唔会好逼。我地入到去，就叫左碗皮蛋咸肉粥，加7蚊有四条肠粉。皮蛋咸肉粥大大碗，入面好足料，唔错！肠粉就要哂咁多酱，正常水准！咁多肠粉只需要7蚊，几抵食！至于我朋友，佢就有啲肚饿，所以就冇食粥，食左呢度既车仔面。呢度既车仔面有好多𩠌可以选择！我朋友就拣左粗面、通菜同埋咖哩鱼蛋！佢啲鱼蛋都几弹牙，同埋碗面够大碗，性价比唔错。