牛太郎 (已結業)

同朋友去旺角食最近红爆既日式烧牛，好新鲜既体验！去到旺角呢间牛太郎系食石烧牛，最近热爆食法！有自助位任添饭，沙律、牛汤。其实佢都仲有好多嘢可以烧，牛脷、鲭鱼，猪同鸡都有，不过最主打既系牛。牛有牛肩肉眼、澳洲肉眼、西冷牛柳，和牛，每款都可以拣大中细，最大份400克，中size 300克如果想好似食板餐咁，唔食饭中size都够晒饱！我同朋友拣咗一份300克西冷，一份300克牛柳。块石板上枱自己烧，感觉好刺激，自己变左大厨咁。肉本身好厚身好多汁！块板热度好高，好惊食得慢的话牛会太熟，成个过程就系快快手切一块，立即熟完四边就放入口！几成熟由自己决定，牛够嫩口又香浓，自己拣。西冷肉汁丰富，餐厅挑选嘅扒都十分高质，大大嚿，食肉兽志爱！