興記菜館

营业中

休息中

今日同朋友来油麻地呢边食野，系呢条街有几间煲仔饭，我地随便简左呢间兴记来食。我叫左个肉片腊肠煲仔饭，朋友叫左牛肉鸡蛋煲仔饭。煲仔饭一拎上来热辣辣，饭煮得够熟但又唔会熟到好多都结晒焦咁(我唔系太钟意食饭焦)。d肉片本身已经腌好，但食落唔系好够味，加豉油落去调下味会好食d。腊肠就比较硬少少，食落个味道唔系好重，比较淡，可能因为我平时系屋企蒸个d腊肠都比较甜啦。我觉得呢个煲仔饭份量足够，但味道比较普通，而且煲仔饭个种香味无乜，同普通蒸饭无咩分别。下次来呢边应该会试下佢附近其他店嘅煲仔饭。