興記菜館

营业中

休息中

近排天气开始冻，食煲仔饭最啱，即刻谂起去庙街，上一次帮衬可能系6-7年前，兴记菜馆有四个舖位，夜晚10点去到都仲要排队。拣咗腊肠滑鸡煲仔饭，另外加咗小炒 - 避风塘炒蚬，同埋拣咗出面少见嘅煎虾饼（有分大份同细份），嘢饮就要咗自家制嘅菊花茶。避风塘炒蚬一上枱已经觉得好香，蚬肉食落去冇沙，第一次食用避风塘去炒，香辣嘅蒜粒连埋蚬肉食非常有风味。煎虾饼虾肉沾左面粉浆，炸至非常脆，平时煎蚝饼就食得多，大家想试新嘢都可以试吓呢度嘅煎虾饼。腊肠滑鸡煲仔饭等候时间比较耐，一揭开香喷喷，鸡肉好滑，腊肠好香，有少少饭焦，整体嚟讲唔错。