味苑 (已結業)

响湾仔做完活动好肚饿, 呢条街好多都系酒吧, 直至行到地铁站附近先有呢间中式餐厅, 餐厅内都几多人, 应该不错吧.中式餐厅用番传统碗筷, 做完一轮野饮番杯中国茶好提神解喝.午餐时间主要有点心, 烧味饭等.选择左散叫烧味双拼, 油鸡厚肉肥美, 但入口感觉不算肥腻, 鸡皮仲几香, 肉质新鲜软滑, 唔会太老.烧肉亦唔算太肥, 薄薄一层脂肪, 咬落特别软熟, 肉质几够滑, 烧肉皮够脆口, 烧得几香.另叫一碟炒饭, 份量都几大, 饭一粒粒唔会炒到过火或太腍, 有D虾米干, 菜粒特别香.