聚豐燒鵝小廚

营业中

休息中

近排工作比较忙碌，返到屋企已经好晏，所以约朋友食埋饭至返屋企。由细到大都好钟意食烧味，尤其系烧鹅，所以一嚟就点份烧鹅先，我地拣下庄（$140），另外点咗日式酱油炒饭（$108）同埋海皇杂菜煲（$88），再饮咗支五花茶（$23）。先讲烧鹅，只鹅脾大大只啖啖肉，烧得皮脆肉香，而且皮下油脂颇丰腴，令人无法抗拒！日式酱油炒饭份量超级大方，我地每人都食咗好几碗😆 炒饭粒粒分明，炒得有镬气，加埋木鱼丝嚟食，回感更丰富。海皇杂菜煲入面既海鲜同蔬菜种类都非常多，而且仲有唔少粉丝，加埋变得满满一大煲，健康得嚟又可以中和返烧鹅既油腻感。五花茶用料天然又冇防腐剂，饮落好放心~