天鴻燒鵝飯店

营业中

休息中

前排先知道呢间烧鹅店颇有名气，今日既然嚟到元朗，当然要会一会佢啦。烧鹅饭（$60）好好彩，斩咗只上脾位，烧鹅份量比预期中多，有八旧，而且斩得大大旧。烧鹅温热，鹅皮脆口，鹅肉扎实，腌味刚好唔会好咸。白饭唔算大碗，另外仲有啲椰菜。烧鹅濑粉（$60）呢碗就斩咗胸位及背位，一样有八旧，旧旧都有皮有肉，唔会得啲骨。烧鹅同样温热，鹅皮脆口，鹅肉扎实。濑粉份量足，质地够弹性，唔会一夹就断。凡惠顾烧味饭/濑粉，冷热饮品加$7。喺整个用餐期间，一直都有客人堂食或外卖，九成都系要烧鹅，不停见到师傅系厨房拎啲胀卜卜嘅烧鹅出嚟，虽然自己已经食紧，但睇见都流哂口水。PS：只收现金。