天鴻燒鵝飯店

营业中

休息中

今日入嚟元朗去呢間天鴻燒鵝食個午飯，午餐時段到店，坐無虛席，等位等咗幾分鐘，好不容易搵到張二人枱坐低，好快就有人嚟搭枱。原本想點個燒鵝拼醺蹄飯，但今日冇醺蹄，咁就只好要個燒鵝飯。一陣碗燒鵝飯就送上，仲跟碟酸梅醬添。熱辣辣既燒鵝新鮮出爐，皮脆肉嫰，肉味十分之濃郁，一d都唔羶，碗飯加咗d鵝汁，好味到痺，仲有d椰菜，只賣$62蚊。整體非常滿意。口味：🥚🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚

第一次食天鴻堂食半隻燒鵝288$ 基本乜全鴨部位都可以試晒頗juicy 啖啖汁 本身調味都夠肉唔算太多 完全冇異味 主要都係皮有厚有薄 薄個d真系好正 但食多都係有d濟 蘇梅醬解膩一流環境就普通茶餐廳feel

我今天去依間店買下莊燒鵝，收費$160買下莊竟然會有鵝頭，鹵水雞翼，但肉得2，3塊，全部骨黎，放上碟成堆垃圾敢（有圖有真相）大家自己去判斷依間店點做生意諗住有人話好吃就試下，點知原來係敢做生意你賣曬咪同我講聲囉，仲要照收足錢俾埋啲垃圾人勁無良，用呃人手法去做街坊生意，大家認住呢間天鴻，小心d選擇燒鵝又唔係得你一間有得賣，元朗大把選擇你當街坊是傻仔嗎？我最多只傻一次但你會少左好多街坊生意囉，自己諗下敢樣做生意岩唔岩啦，簡直係劣評

性價比非常非常非常低！燒鵝係急凍的，啲肉係實還是靭，而且肉是黑色的，外皮唔脆.呢次唔係第一次買，因為住元朗，之前都買過兩三次，覺得係唔好食，不過今日母親節，附近有冇什麼選擇！比較好嘅都係市區，諗住試多次,點知比之前還差!每次買都係講要半隻!唔係唔賣!其實都冇所謂，平時出街食飯平均消費都有二$300一個，就算食唔晒都算啦！只要正常就好！我依個係外賣自取$288半隻，都應該係正常價格唔係特別便宜，點知…..質素見圖!

前排先知道呢間燒鵝店頗有名氣，今日既然嚟到元朗，當然要會一會佢啦。燒鵝飯（$60）好好彩，斬咗隻上脾位，燒鵝份量比預期中多，有八舊，而且斬得大大舊。燒鵝溫熱，鵝皮脆口，鵝肉紮實，醃味剛好唔會好咸。白飯唔算大碗，另外仲有啲椰菜。燒鵝瀨粉（$60）呢碗就斬咗胸位及背位，一樣有八舊，舊舊都有皮有肉，唔會得啲骨。燒鵝同樣溫熱，鵝皮脆口，鵝肉紮實。瀨粉份量足，質地夠彈性，唔會一夾就斷。凡惠顧燒味飯/瀨粉，冷熱飲品加$7。喺整個用餐期間，一直都有客人堂食或外賣，九成都係要燒鵝，不停見到師傅係廚房拎啲脹卜卜嘅燒鵝出嚟，雖然自己已經食緊，但睇見都流哂口水。PS：只收現金。

燒鵝瀨粉&燒鵝飯上月中旬工作完畢後，路經元朗去食我最鍾意嘅燒鵝瀨粉，天鴻位處元朗區，屬於比較出名嘅燒鵝燒臘店家，雖然位處舊區環境比較差，而且零裝修，屬於舊式嘅燒臘店，但係為咗食燒鵝唯有將就一下。店內環境及餐具碗筷清潔一般，但仍然可以接受，叫店員攞杯水自己洗下筷子匙羹還算可以。落單一碗燒鵝瀨粉同一碗燒鵝飯再加多兩杯凍檸檬茶收$134。燒鵝瀨粉比嘅係燒鵝下裝部位，顏色香味都屬於水準之作，皮及油脂肥美而肉質軟嫩，配上醃料香味濃郁，入口𡁻兩𡁻滿嘴油膩同皮肉組成爆炸混合體，天作之合問你點頂，又係另外一種美食感受。瀨粉軟滑又有咬口感，而湯汁比較淡味，其實燒臘店斬剩咁多下欄，應該放埋落去熬湯底，一定會增加整體表現。至於另外一碗燒鵝飯情況啱啱好反轉，燒鵝係上半部，鵝皮微燶發黑，而肉質就較為煙靭嚡口，同樣一齊落order，水準落差大不同。至於凍檸檬茶嘅水準就可以唔使再提，似飲杯有顏色嘅檸檬冰水，今時今日真係好難飲到一杯像樣嘅檸檬茶。

聽左好多人介紹呢間燒鵝，今日買個外賣試下。皮脆肉嫩，係肥左dd ，不過好香。如果想食燒鵝都不錯選擇。今日仲唔使等好耐，一買就走得，下次要試吓個胸，可能好食啲。而且唔會好似出面好咸好多醃料。

元朗的《天鴻燒鵝》早已經是馳名港九新界了。這一間簡陋小店，傳說鏞記也來偷過師而首響名聲。早在 2017年，我就專程來吃過一碗燒鵝飯。鵝汁同豉油汁的美味，令我在吃過一次之後，感覺到戀愛了。而這一次，時正清明要過節，當我去完屯門，覺得要專程經一經元朗才回家，為的，就是再一次尋找這一個已經得到米芝蓮加許的燒鵝店，買半隻回家，過節加餸。我一埋去，就立即叫，要半隻燒鵝。斬料師傅就非常熟手，揀了一隻肥大的燒鵝，先開邊，後就好有次序地斬件及擺盒。山長水遠回到家，打開盒子，燒鵝依然是香噴噴的。一打開盒子，也看得出是皮脆，肉香的出品。未到正式食飯時，阿爸已經忍不住，要新鮮熱辣吃一件。不伴啤酒，伴一杯熱茶，也是一流的享受。到晚飯時間，稍為翻熱了一下，鵝的油脂完美地解放，令到整份燒鵝變得更香。經過多個小時，鵝皮依然是香脆，仲有一陣陣的羶香。再加上肉厚，醬香的味道也由內至外滲出，令到肉有肉香，皮有羶香，而且每一件都係大大舊肉，的確是一份由鵝肉本身，製作過程同味道上都非常出色的燒鵝。對比上一次 (2017年) 來，我更可以說，這《天鴻燒鵝》是越做越好。有機會，多人來家做節食晚飯，退休廚師親戚又回港探親時，買一隻

💁🏻‍♀️呢間鋪已經開咗好多年店入面貼咗好多以前嘅報道原來2001年開業的，每日由佛山養殖場直送到店的黑棕鵝，分批即醃即燒，所以先咁新鮮咁多街坊捧場👍🏻⭐️佢仲係米芝蓮推介餐廳⭐️當日去到大約12點，店入面都差唔多滿位，期間不斷有人嗌外賣，生意都非常好🙂好多男士幫襯，見佢地都係叫燒鵝髀飯，份量都好大碗，抵食🫡我地兩個人叫咗半隻燒鵝等咗一陣就送到，真係好香呀😌食落口去完全唔會好油，肉質好有咬口，唔會太實或者太腍，加上佢即燒，個皮仲脆架☺️真係好好味🤭 本身我唔太好燒鵝，因為出面食咁多鵝都覺得d肉好實，第一次覺得原來燒鵝係咁好食😂大家要留意佢嘅開鋪時間，唔好摸門釘呀😉

今次特登帶泰國朋友入嚟元朗食燒鵝因為佢見到有啲泰國Foodie介紹所以佢真係好想食， 對上佢一次嚟香港嘅時候舖頭中段時間休息所以食唔到， 佢今次終於食到啦勁開心而且老闆仲拎隻燒鵝出嚟同佢合照😃

星期六去咗元朗，路經天鴻，第一次食，唔洗等，因為都早，真係唔錯，好過中環－樂多多聲，60蚊食咗個燒鵝瀨粉，份量好多，真係好飽，下次經過都會試其他菜式，谷友真係好介紹。

10月4號星期三中午去吃燒鵝，好彩有開門，不知道是改變了週三都開門定係咁好彩。點了一邊燒鵝，兩碗奶粉，一碗飯。燒鵝感覺水準保持，皮脆，味偏咸小小。幾年前感覺天鴻比較貴，但現在覺得天鴻比外邊平。外邊的燒鵝，這幾年間不停的加價，10月3號星期二在九龍塘又一城仝堂，709/只。好普通一間店都要$600以上，所以天鴻現在真的好抵食，水樽又保持到。感覺我每星期都要來食一次了。

今日同友人等左30 分鐘， 入到堂食。一開始同店員講要 下裝。店員一直表示忙碌 到下單時跟我說 已經沒有下裝 只有上裝。 最神奇是接我的下一位客人 要下裝。不知道為什麼她又可以會有 傻眼🙄️。建議大家來吃的 時候 要是店員跟你說 沒有下裝，你只需要說一句不需要，只要堅持只要下裝 就可以有了。燒鵝偏貴 只試一次。不值下回再參觀 特別是價錢 食物 質素 不成正比。 不是說不支持小店 是找不到支持的理由。

店舖太差了，我路過斬些叉燒回家，但打開盒子一看全部都是頭頭尾尾，吃後感覺又硬又難食，真是一間中伏的店舖......請各位食客小心，想想後才光顧此店舖....又或者是我當天運氣不太好........

因為家人無輪椅人士，要係元朗搵間入到輪椅既餐廳唔容易咁岩平日經過天鴻又想食，就試下問下老闆可唔可以門口開台平時多數都係入舖食，如果老闆唔係到伙計都敢話事肯開比我地坐，老闆一聽即話開，個下都幾開心，仲擔心我地唔夠涼～燒鵝飯 $58燒鵝唔係超肥，但啖啖肉好好食，皮都有小脆唔係軟淋淋，份量都幾多，飯都唔小，老闆見我地仲食淨飯，叫師傅再加料比我地，驚我地唔夠，佢話最緊要食得開心，呢個老闆好好傾又大方，呢餐飯充滿人情味，我同屋企人都食得好開心仲有老火湯同鵝翼，無影到相，好好味比我地清哂，下次去再影再Share！！！！