Uma Nota (已結業)

巴西日式fusion 菜，每一樣菜嘅味道對我黎講都係好新好特別，係平日好少機會食到嘅味道。MOQUECA DE FRUTOS DO MAR 巴西汁慢煮雜錦海鮮：虎蝦、魷魚、扇貝、青口每樣海鮮都好新鮮，巴西傳統moqueca sauce非常惹味，每一舊海鮮我都會沾多啲sauce因為實在太好味。SCALLOP CEVICHE 檸汁醃帶子配木薯醃紅洋蔥食物上左台店員先會加個sauce落去。檸檬汁的清新加上少少咸，令到食落去更加體驗到帶子的鮮甜。TATAKI DE CARNE DE SOL 炙醃牛柳配煙燻柚子黑蒜蛋黃醬鍾意食半生熟牛嘅人必定要點哩個！入口超腍，感覺有啲似日本漬物，濃厚的煙燻柚子味充滿成個口腔，好味到想一直將呢個味留喺個口入邊。AMAZONIAN NIGIRI SELECTION手握壽司精選：吞拿魚山椒、帶子海膽泡沫、煙燻鴨肉壽司採用赤醋飯，每一件都都配有不同嘅配料各有特色。海膽泡沫口感最特別。環境好chill，闊落舒服，燈光柔和，令人感覺可以暫時遠離繁囂。