Uma Nota

营业中

休息中

巴西日式fusion 菜，每一样菜嘅味道对我黎讲都系好新好特别，系平日好少机会食到嘅味道。MOQUECA DE FRUTOS DO MAR 巴西汁慢煮杂锦海鲜：虎虾、鱿鱼、扇贝、青口每样海鲜都好新鲜，巴西传统moqueca sauce非常惹味，每一旧海鲜我都会沾多啲sauce因为实在太好味。SCALLOP CEVICHE 柠汁腌带子配木薯腌红洋葱食物上左台店员先会加个sauce落去。柠檬汁的清新加上少少咸，令到食落去更加体验到带子的鲜甜。TATAKI DE CARNE DE SOL 炙腌牛柳配烟熏柚子黑蒜蛋黄酱钟意食半生熟牛嘅人必定要点哩个！入口超腍，感觉有啲似日本渍物，浓厚的烟熏柚子味充满成个口腔，好味到想一直将呢个味留喺个口入边。AMAZONIAN NIGIRI SELECTION手握寿司精选：吞拿鱼山椒、带子海胆泡沫、烟熏鸭肉寿司采用赤醋饭，每一件都都配有不同嘅配料各有特色。海胆泡沫口感最特别。环境好chill，阔落舒服，灯光柔和，令人感觉可以暂时远离繁嚣。