鴨大哥 (太古坊)

营业中

休息中

我好钟意食片皮鸭，今日听朋友推介去咗太古坊试咗一间叫鸭大哥嘅餐厅，发现除咗片皮鸭其他嘅菜式都好出色。🦆原只北京烤鸭 $590呢度嘅片皮鸭肥瘦适中，食落去唔会有好油腻嘅感觉，而且除咗大葱同埋青瓜，仲有红糖同埋麻酱，令到味道更加丰富。而且佢嘅面皮系搓得超级薄，仲有热水蒸住确保够热。🐖云南黑土猪叉烧 $228呢碟系我人生食过最好食嘅叉烧，肉质极之腍，直头有入口即溶嘅感觉，而且肥瘦适中也有少少㶶边，食落去非常惹味𩠌饭一流。🦐麦香黄金虾 $208黄金虾劲大只，加上脆炸麦皮食落去淡淡麦香，而且仲要被满满嘅咸蛋黄包住，口感同味道都好有层次。🐠桂花雪梨脆鳝球 $280呢度菜非常精致好适合打卡，新鲜脆炸鳝球肉质非常鲜嫩，加上酸酸甜甜嘅酱汁非常之开胃。佢个桂花梨超特别，食落非常清甜清新。🐃咖喱脆皮牛腩 $198大大嚿嘅牛腩沾上薄薄嘅炸粉，令牛腩炸到外脆内软，而且仲保存到好多嘅肉汁，就咁食已经好正，再点埋佢哋充满椰奶香味嘅咖喱，味道再升华去另一个层次。