滾起樓(粵點粵滋味)

营业中

休息中

之前睇好多社交平台page有介绍过滚起楼，但上半年又因为好多时疫情无晚市，所以一直未有机会入嚟试，到今日终于可以入嚟呢间被誉为翻版牛大人嘅火锅店喇！喺门口睇原来朝早都有得饮早茶，下次入去行下山再试吓啦！由门口到入座成个感觉都好干净企理，空间感都大，坐低咗都觉得啲位几舒服，唔会太逼夹，观乎星期六晚都未算爆，成个场都系坐一半满左右。叫咗个牛骨汤底，再scan QR Code落单，食物种类都算足够，一般火锅店有𠮶啲都齐全，仲有啲台式小食。饮品都有唔同种类选择，出面雪柜仲有啲配菜可以拎。嘢食嚟得都快，但汤底略嫌未够味，要食到后尾先慢慢出味，牛方面so far都好食，安格斯牛板腱最正，牛柏叶就切得唔系咁好，好难咬；台湾鲷鱼真系必叫之选，非常鲜味嫩滑，鲩鱼片同腩都可以，估唔到啲海鲜都算高质，虾同沙白都好鲜甜，而啲台式小食水准都可以。最尾埋单食埋个雪糕就走人。今餐整体嚟讲都尚算满意，滚起楼由一入门去到落单、碗碟、酱料、饮品、配菜、台式小食都似足牛大人，整体都有八成，但收费就差唔多，似乎无乜点平到，但只计食物同环境已经好过好多酒楼火锅，如果入开上水都可以再encore。