牛摩 (荃灣千色匯I) (裝修中)

荃湾呢间牛之前都经过过几次，见佢新出左又有火锅，又有得烧肉嘅放题，就去试试！去到首先要量度体温，而且仲有得再卖火锅外卖，不过我哋当然堂食啦。美国极品牛小排加海鲜放题正价时段七点至九点食$295套餐包括埋所有肉类及海鲜任食，当然食得晒先好嗌，唔好做大晒鬼啊！极品牛小排，极上和牛，特上牛肉，特选牛胸腹，牛舌，豚肉，鸡肉，帆立贝，海虾，墨鱼仔～～～一开始烧下啲肉，又有骨胶原同埋味增酱，同平时食嘅有啲唔同，都几特别！出面仲有唔同口味嘅酱汁e.g.黑咖喱、蒜蓉、麻辣𠮶啲可以随个人喜好拿取，我试咗黑咖喱味都几香！食咗之后就拣啱寿喜烧汤底，佢仲有一只蛋，配搭味道更清新，而且个汤底口味本身比较甜，就中和左啱啱烧肉嘅肥腻感觉。除咗餐牌上可以点的食物之外，出面都有好多嘢食，有啲熟食寿司，前菜小吃，新鲜蔬菜及各式各样的丸等⋯种类繁多，质素也有一定保证。最主要系出面个饮品佢咁选择超多，热饮冻饮沙冰等！临走前记得食埋佢哋𠮶个朱古力雪糕因为隔离有好多料可以加入去，个口感丰富好多。