第一郡 (已搬遷) 新店位置

唔系朋友带路，我应该唔会揾到呢间小店。以为深水埗平日应该唔洗等位，原来好多人去食，好彩拎飞等左阵就到我地，铺头细细，唔好预坐得舒服，但都可以慢慢食，无人赶既。小店既食品唔多，但胜在都出色。🥑首先一定要讲既系牛油果沙冰，虽然叫沙冰但我就觉得似奶昔多d，入口好滑溜，有浓厚既牛油果香，香而唔会好甜，口感较厚，钟意食牛油果既人实like！🥪主食就叫左-烤猪肉软包，个软包暖暖地够软熟，肉质juicy，但有配菜隔返系软包同烤猪肉中间，所以包身同保持到，唔会湿pet pet。但有芫荽呢样配菜，我自己就飞走晒😆🍲重有-扎肉汤河粉，汤河有大量配料，包括🌱新鲜薄荷、罗勒、红椒、青檬、洋葱🧅，味道突出，而扎肉好食😋又足料！🦐小食就叫左-米纸虾卷，先要拆开坚挺既叶，之后就系越南米纸包住超多馅料，但主要都系檬粉为主加少少香料，虾既比例好少，唔细心食都唔觉有😂有改善空间。但小店就配左一个自家酱汁，有花生碎有炸虾仔，食落变得惹味。重有其他野食都想试，例如招牌蕃茄虾膏汤檬、牛油果软包，唯有下次。