MORE YOGURT

营业中

休息中

食完饭周围行下散步，望到周围好多饮品舖即时觉得口渴，咁岩又想饮下牛油果就试下呢间。虽然呢间主打牛油果但佢都有其他口味，例如榴梿。我今次叫左原创牛油果乳酪奶昔，落单个时个店员问使唔使小甜，一般奶昔沙冰未必有得拣甜度，因为要有糖先打到起沙。今次拣左无糖因为平时都饮开唔甜或不加糖。等左几分钟就可以拎，店员好细心笠左纸套，一见到杯野有小小出乎意料，面头有唔少牛油果粒，饮落觉得几足料。虽然无额外加糖但唔觉得无味淡口，可能乳酪本身有糖？牛油果味好同乳酪味都饮到，唔水（有时唔够糖杯野会好水唔似沙冰），饮饮下有小小似饮紧豆乳，个味几得意，饮到最后食埋d 牛油果好满足。钟意牛油果既朋友可以一试，但杯野一个人饮应该几饱肚，建议可以2个人share。