MORE YOGURT

营业中

休息中

已经帮衬过好多次，虽然杯牛油果沙冰要$46好贵，但系真系超级足料。久唔久就会想嚟再饮，尤其是天气咁热，冇乜胃口，有一杯生果真系太舒服。因为超钟意食开心果，所以加$8加咗开心果碎，开心果碎会打埋入个沙冰里面，非常之夹，饮落口感会丰富好多。如果有新嘅产品，有时都会想试吓，今次就试咗桃桃沙冰。白桃非常多，淡淡果味，更突显咗乳酪嘅味道。非常适合炎热嘅夏天。每次都会叫少甜，会更突出果味。又懒又想食生果，呢度系个非常好嘅选择。尤其系牛油果，自己买的话，好多时都会泰山或者太熟，买咗四个可能只系得一两个食得，即使价钱比较平，最终都系蚀咗。饮一杯牛油果就最有质素保证！