影片
更多
2024-01-14
584 浏览
🎪熊妹上个月行过「K11」，发现原来系《HOW》隔离开咗间牛牛店食慢煮牛肉饭《SLOW COW》，听闻系《HOW》团队新开的姊妹店，《HOW》出品一定好有质素啦✨，试过《HOW》的西餐，就可以试吓《SLOW COW》的日式牛肉饭，系新嘢㖞🆕！📌《SLOW COW》走美日式风格，餐厅的格局好似日本cafe咁，以日式木系🧱为主，有好几张木枱木凳嘅二至四人枱，仲有几张比较矮的梳化卡位🛋️，日本Cafe就系偏向一个个卡位隔住，保持私人空间。📌座位格局就走日式风🇯🇵，餐厅装潢就走美式风🇺🇸，门面招牌以红色为主，餐厅地板用上黑白格仔图案🏁，系典型西部牛仔🐮美式复古风格？📌墙身同餐厅招牌都有日本OSAMU GOODS的图案好吸睛呀，睇嚟系同佢合作㖞🤝！📌牛肉饭点餐嘅方法好特别，一个标准size嘅牛肉饭$88，包90g肉类、饭底同酱汁，QR code点餐，先拣肉类，肉类有招牌慢煮熟成牛肉同美国三角脊扒牛肉拣，另外仲有炸鸡同豚肉片；跟住就拣饭底，有传统嘅日本珍珠白米，或者加$5转蒜香酱油炒饭或者加$8转蛋白炒饭，唔想食饭有意粉拣，唔想食碳水，仲可以加$8沙律或者杂菜做底，真系包罗万有，咩都有得拣，最后就拣
🎪熊妹上个月行过「K11」，发现原来系《HOW》隔离开咗间牛牛店食慢煮牛肉饭《SLOW COW》，听闻系《HOW》团队新开的姊妹店，《HOW》出品一定好有质素啦✨，试过《HOW》的西餐，就可以试吓《SLOW COW》的日式牛肉饭，系新嘢㖞🆕！
📌《SLOW COW》走美日式风格，餐厅的格局好似日本cafe咁，以日式木系🧱为主，有好几张木枱木凳嘅二至四人枱，仲有几张比较矮的梳化卡位🛋️，日本Cafe就系偏向一个个卡位隔住，保持私人空间。
📌座位格局就走日式风🇯🇵，餐厅装潢就走美式风🇺🇸，门面招牌以红色为主，餐厅地板用上黑白格仔图案🏁，系典型西部牛仔🐮美式复古风格？
📌墙身同餐厅招牌都有日本OSAMU GOODS的图案好吸睛呀，睇嚟系同佢合作㖞🤝！
📌牛肉饭点餐嘅方法好特别，一个标准size嘅牛肉饭$88，包90g肉类、饭底同酱汁，QR code点餐，先拣肉类，肉类有招牌慢煮熟成牛肉同美国三角脊扒牛肉拣，另外仲有炸鸡同豚肉片；跟住就拣饭底，有传统嘅日本珍珠白米，或者加$5转蒜香酱油炒饭或者加$8转蛋白炒饭，唔想食饭有意粉拣，唔想食碳水，仲可以加$8沙律或者杂菜做底，真系包罗万有，咩都有得拣，最后就拣埋点饭嘅酱汁五选一，系分开上嘅。另外仲可以加钱加配料，加多只蛋，加$6有日本「兰王」生蛋黄或者加$10温泉蛋或者流心煎蛋。惊唔够饱，仲可以额外加$28叫大盛120g或者加$48特盛150g。成件事都好日本点餐文化，乜嘢都有得自己选择。📌除咗牛肉饭，仲有汉堡包🍔、三文治🥪、炸鸡🐥、沙律菜🥗，咁多食物款式拣，实有一样啱食。
慢煮熟成牛肉
$88
29 浏览
0 赞好
0 留言
第一次嚟梗系要试吓佢个招牌菜先啦。树熊系饿底又系饭桶，标准size又点够佢食啊？所以谂都唔谂就嗌咗个大盛俾佢。
慢煮熟成牛肉加饭加蛋再配红酒照烧汁🍷，相信都系经典招牌菜嘅配搭。
用上美国熟成的牛肉🐮，用慢煮嘅方式令到牛肉变熟，薄薄地一片，食落去好重牛肉味，脂肪系极少食落去真系啖啖肉，唔点酱汁，成阵味真系好重，慢煮可以令到牛肉肉质同牛肉味道都保持耐啲，果然系招牌菜。
慢煮熟成牛肉
$88
1631 浏览
2 赞好
0 留言
饭底拣咗蒜香酱油炒饭，用酱油炒成嘅珍珠米饭🍚，珍珠米都依然粒粒分明有咬口，成个炒饭好够酱油味道，就咁食已经好够咸味，再加埋侧边脆卜卜的蒜香片，食一啖饭嘅时候放上一两片，增加口感之余，口腔仲充满蒜香嘅味道，咸咸地，所以话就咁食个饭已经好好味。
另外仲加咗一只流心香煎日本蛋🍳，煎熟咗的蛋白底，成托住中间依然橙红通透嘅生蛋黄，一望落去已经非常吸睛，一吉入去，流心嘅蛋黄澎湃咁涌出，捞埋炒饭一齐食，多一重浓郁蛋黄嘅味道，这就是日本料理独特嘅秘方之处。
顶级美国三角脊扒牛肉芝士汉堡
$88
602 浏览
1 赞好
0 留言
试完个牛肉饭，梗系要试吓牛肉汉堡包啦！试完慢煮熟成牛肉，就梗系要试吓另一款美国三角脊扒牛肉。
汉堡包🍔唔系好大，但材料非常丰富，蕃茄生菜芝士都多到跌哂出黎，芝士片🧀仲要系完整一大片夹在中央，这片芝士的做法唔系平时汉堡咁用汉堡排的热力令佢溶化变热溶芝士，而系用火枪烧过🔥的火灸芝士，好香的烧烤味，系火烤的香味，比起热溶芝士的流质，这片火灸芝士仲保持原本芝士的口感，唔系溶化系牛肉入面，可以分明咁食出片片芝士固体的质感，又可以保留三角脊扒牛肉的原味道及口感，不会太过呛牛肉的味道，变成喧宾夺主，咁的做法很聪明又新颖。
三角脊扒牛肉份量都几多，有三四大片，比起慢煮熟成牛肉，三角脊扒牛肉比较干身但一啲都唔鞋，唔系慢煮的方法少了肉汁，但肉质好实在，全部都系零脂肪瘦牛肉位，就算一啖咬落牛肉片同芝士片🧀，都可以分别食出两种食材的原味，然后再在口腔混合一起，比起平时食的牛肉汉堡排跟热溶芝士系偏湿润有汁的食法，这款系干身汉堡的食法，两款各有千秋，这个三角脊扒牛肉汉堡系可以值得一试👍🏻。
$48
48 浏览
0 赞好
0 留言
食完正餐紧系要食小食，试埋佢个炸鸡先！
炸鸡有三大件，真系几大一件，系刚刚炸起热辣辣，炸皮脆卜卜，呢只系酥炸脆鸡，比起《HOW》款日式炸鸡再酥脆一点，当然都会油一点，跟上的酱汁系千岛辣酱，酸酸地带丁点辣味，成件事好惹味，鸡肉位嫩滑，食落系啖啖肉，大件到食几口先食完，仲有啲椰菜丝叠底吸下啲油份，这就是日本料理的细腻！
有机水耕菜沙律
$23
67 浏览
0 赞好
0 留言
熊妹食饭又点会无菜呀？点左个水耕菜沙律解解油腻。水耕沙律菜🥬好新鲜，捞上黑醋酱汁，仲有几粒车厘茄🍅，食返啲菜🥬，顿时觉得清新左！
自家制咖喱汁，自家制墨西哥肉酱
122 浏览
0 赞好
0 留言
自家制咖喱汁，跟餐加$8惊喜地咖哩汁🥘入面有少少薯仔蓉，辣辣地真系好配薯条。
自家制墨西哥肉酱，跟餐加$12墨西哥肉酱就用上墨西哥辣椒🌶️，所以味道偏辣，肉酱点薯条，就唔系酱汁咁简单，肉酱有咁多肉碎咁浓味的酱料，唔至点薯条，可以捞饭捞意粉都得。
Sapporo Premium Beer-冲绳县菠萝
$22
109 浏览
0 赞好
0 留言
熊妹见呢个果汁酒几特别，拣左冲绳县菠萝，带少少微酸。
Coca Cola Coke，跟餐价，加$12树熊可乐怪， 唔洗问实拣可乐🥤。可乐配汉堡，不用多说了。
📌美国牛肉与日本生鸡蛋跟珍珠米的配撘，这就是「牛丼新造」的创意新概念！掂！
张贴
