牛極 (通菜街)

营业中

休息中

今日同朋友喺旺角行完街之后就谂住食个lunch啦，其实都过咗午饭时间㗎喇，所以好多餐厅都有位。就系经过女人街𠮶度见到有一间食石板牛嘅，记得以前喺瑞士食过呢一款嘅食法，啲牛肉会好好味嘅，竟然香港都有，所以一于试吓啦。喺门口位有一个自动简单嘅售卖机，好得意，好有日本嘅感觉。我同我朋友就每人拣咗两款唔同嘅牛谂住share嚟食。另外佢呢度有饭汤同埋沙律都系任食嘅，汤系好似罗宋汤咁嘅汤。另外喺呢度嘅沙律油醋或者胡麻酱俾你拣，我好钟意用醋配啲沙律菜，所以都食咗好多碗沙律，好健康。好啦讲下啲牛先，啲牛一上枱嘅时候系一成熟嘅，然后你慢慢切开佢一嚿嚿，再用个铁板热熟佢，热到你想要嘅熟度。咁样啲牛最新鲜滚热辣同埋最嫩身啲肉质。估唔到百几蚊就食到咁嘅质素，都好值得encore啊。而且餐厅好贴心仲准备咗啲即弃嘅围裙仔，俾你整牛嘅时候唔好弹到成身都系。