鴻發香港仔粉麵茶餐廳

营业中

休息中

今朝嚟屋企附近呢间听面只有600平方呎左右的粉面茶餐厅食早餐，今次我点了平时都有食好好食嘅牛筋腩汤米粉，但系今次唔知点解又想试多一次佢哋自家制的「酸辣酱」，其实上次店员在就快吉的酱樽添酱的时候我同佢倾开先知呢个酱系佢自家制的，果次我试咗觉得唔好食，但系我今日打开个酱樽及另外他们自家制辣椒油的酱樽一看又觉得好似好足料，今次我没有好像食辣椒油多渣一样加了大红淅醋，我今次选择「净食」，用来食牛筋腩，哗！原来没有沟其他嘢呢只酱好好食，很多蒜粒，不太油，于是乎我食完碗汤米粉之后问店员可否买一樽今晚和喺上海返嚟探亲的好朋友食晚饭的时候送俾佢，佢话每樽$35，我觉得几抵，因为平时买辣椒和蒜头都比几年前贵左好多，之前我买过佢哋啲辣椒油唔知点解油多渣少，我喜欢食渣，油太致肥了！牛筋腩汤米粉（有葱粒和冬菜粒洒面），任加自家制辣椒油和自家制「酸辣酱」，$39！我没有叫嘢饮，因为今朝系屋企饮咗星巴克咖啡。自家制酸辣酱（如果买返屋企食$35/樽）呢度地下比较滑少少，行起来的时候要小心一点。