鴻發香港仔粉麵茶餐廳

营业中

休息中

前後來了兩次吃早餐都是因為貪平了....潮州粉面都要嗰啲了但不吃牛肚牛腩牛根又好像唔抵了所以一次吃了牛肚，一次吃了牛腩..都是叫呵粉。牛肚爽、牛腩多，但牛腩是偏肥的，吃到有點膩...但河粉超多了..唔怕唔夠飽..但潮式粉面通病是衞生一般了....地下又很濕、枱面又很痴立立...都是吃個快早餐，拿拿臨吃完鬆人了早餐單拼一律33蚊連凍飲....很抵了

今朝嚟屋企附近呢間聽面只有600平方呎左右的粉麵茶餐廳食早餐，今次我點了平時都有食好好食嘅牛筋腩湯米粉，但係今次唔知點解又想試多一次佢哋自家製的「酸辣醬」，其實上次店員在就快吉的醬樽添醬的時候我同佢傾開先知呢個醬係佢自家製的，果次我試咗覺得唔好食，但係我今日打開個醬樽及另外他們自家製辣椒油的醬樽一看又覺得好似好足料，今次我沒有好像食辣椒油多渣一樣加了大紅淅醋，我今次選擇「淨食」，用來食牛筋腩，嘩！原來沒有溝其他嘢呢隻醬好好食，很多蒜粒，不太油，於是乎我食完碗湯米粉之後問店員可否買一樽今晚和喺上海返嚟探親的好朋友食晚飯的時候送俾佢，佢話每樽$35，我覺得幾抵，因為平時買辣椒和蒜頭都比幾年前貴左好多，之前我買過佢哋啲辣椒油唔知點解油多渣少，我喜歡食渣，油太致肥了！牛筋腩湯米粉（有蔥粒和冬菜粒洒面），任加自家製辣椒油和自家製「酸辣醬」，$39！我沒有叫嘢飲，因為今朝係屋企飲咗星巴克咖啡。自家製酸辣醬（如果買返屋企食$35/樽）呢度地下比較滑少少，行起來的時候要小心一點。

每次我嚟親食早餐或者午餐，都忍唔住叫佢哋嘅紫菜魚蛋河或者紫菜魚蛋米，因為呢度啲魚蛋係手打，味道真係好似早幾年喺香港仔執咗笠嘅著名山窿謝部魚蛋粉，所以係休漁期係冇得食的！我真係好想知道佢哋用啲乜嘢魚肉溝埋來做，因為好多收咗山嘅著名魚蛋粉專門店都話因為某啲魚絕左種，所以大家如果路經博康邨一定要試吓！加埋紫菜除咗好食之外，還會飽肚一點。呢度啲河粉味道和質感都好唔錯。配料也很認真，他們在碗湯粉上面灑蔥花、小小冬菜、中國芹菜莖及葉子少少，當然可以走葱，但係我鍾意所有配料都落晒，因為咁樣食落去會香很多！不過呢度啲飲品好一般，但係一個餐包埋杯飲品只係加多$3，唯有叫凍檸茶少少甜啦！好過飲滾水掛！

打電話叫外賣 姐姐淨係顧住服務堂食同外賣自取的客人 打左3次電話 3次都要我等等 係咪應該有先後次序 堂食、外賣自取既客人先係客 叫外賣既就唔係客 重覆左幾次要咩 聽又聽錯 講真 等下 唔係問題 只係等成5分鐘都未嗌到野食

今時今日港幣$37的套餐有煎豬扒煎蛋碟頭飯+凍檸茶少少甜，除咗扺之外，還好食！上菜很快！塊豬扒夠稔，表面香脆，醃得好味，個䜴油汁味道較得很好！居然有一個很小的汁碗另上！呢間應該叫做香港仔鸿發魚蛋粉，比起很多茶餐廳還要出色，不過食完就要走，因為地方小及客多。

今日下午一時在這兒食了一個匆忙的午餐，嗰啲學生客人開始離開，唔使等位，今日點了：1）豬手飯1碟 - 炆得稔左啲，醬汁不夠惹味，又5件，OK。炆豬手連醬汁及灼生菜放在一起，白飯一碟另上，白飯食是一大碗，男人先食得晒。2）凍檸茶少少甜多冰 - 甜度和冰的份量做得很好，茶味不錯。埋單只是＄38，呢個價錢真係抵！

我住在附近，今日在這裏食晏，叫了：1）紫菜魚蛋河 - 呢度啲魚蛋係手打嘅！味道好過翠華餐廳，魚蛋河入邊有正魚蛋和炸魚片，河粉很滑溜（但係又唔會太肥膩，唔知係咪用另一鍋水拖左水先），個湯底係淺白色的湯，店舖的招紙說是鯊魚骨湯。侍應生還會用一個湯匙裝住蔥花、冬菜粒和芹菜粒放在碗河粉上面，一絲不苟，如果不吃這些香料的可以自己不放入碗湯粉入面。呢度啲辣椒油好好味，但係如果買走的話，我嫌渣太少。2）凍檸檬茶小小甜多冰 - 味道唔錯，起碼真係做到小小甜，又唔會太少，又唔會太多。埋單$36由於屋邨的入閘處可以讓車輛停泊半小時之內不用付錢，所以有不少的士司機在這兒食飯。不過逢星期一至五下午12:25之後就會有太多學生，水洩不通。

早餐好耐無食過牛腩河啦，呢間太吸引啦，牛腩好滑，半肥瘦，好有嚼頭，最有心系距的蔥花，令到成碗河粉的湯底層次甘豐富了，河粉好滑。D河粉好幼.超級喜歡食，又抵食，正吖

今日心血來潮想食依間嘅雞飯，甘下午就黎食下，等左五分鐘倒，有幾棵菜跟幾好。不過食落d雞有一半係雞背，得雞皮同骨，唔係好送倒飯，再食果半有兩件係肉，食落唔滑，一d味都無，像白烚冰雞嘅味道，好難食牙，反而個沙薑汁就幾好味。

叫左一個淨雲呑，大大粒嘅蝦，皮薄爽口。 蝦同豬肉嘅比例1:1，一碗淨雲呑有七粒，比岀面為多。什河d什算多，河粉分量都夠飽。味道無咩特别。魚皮大件厚身，要十耐d先夠淋，食落唔會有魚腥味，都食得过。

叫左個筋腩河，d牛腩都算淋，牛筋味道都幾入味。加多個油菜，有d老身同苦，不过加八蚊黎講，份量算多。加多個最普通嘅凍檸茶小甜，d茶質好混濁。飲落去同我平時飲果d較苦。

舖位比較細小，最多只有4人枱，多人既要坐出面，無冷氣，但係食物質素都幾好，極力推介雜扒飯 ，又大碟又抵食，雞扒牛扒腸蛋，個個都唔會太老或者未熟，都只不過係三十幾蚊，仲送埋杯野飲，另外唔錯既係牛腩面，啲牛腩唔會痴口，啲面都幾彈牙，不可不提就係香港仔既2種辣椒油，一種夠辣，另一種係酸辣，幾開胃。

工作關係去到沙田博康邨,係無咩選擇下是但簡左間粉麵店但係又唔想食麵,就叫個雜扒煎扒飯食$35份量十足,有雞扒,豬扒,腸仔同煎蛋,配備甜豉油.扒既味道完全係不經調味咁滯,味道很淡,但係又唔覺有用化學野去整到佢軟身.但係食呢類既野太淡都係唔係好O岩快餐既原則.豉油落左乾蔥之類去調帶甜味,為平平無奇既白飯加點味道,但係唔算係好味

如果話要好好食，佢又唔係不過廿幾三十蚊既質素黎講，佢係水準之上我通常食常餐~ 雞扒/豬扒 + 蛋 + 米粉 + 飲品 $29雞扒冇雪味，比好多食肆做得好豬扒唔會油淋淋，又唔會梅，不錯蛋就始終只係蛋，冇乜好評價...米粉亦係正常水準，拎到返屋企都唔會發脹至一pat pat跟餐，冷熱飲同價，非常公道都唔太明點解好多食肆，凍飲成日都要+$2 咁多...非常欣賞佢地既凍奶茶我比較喜歡濃味，帶少少苦既茶呢間既茶，苦而甘，完全唔會澀有時行過都會忍唔住單叫凍奶茶行街 : )以前$10，最近加左價$12，都算係可以接受既範圍奶茶愛好者不妨一試

繼小籠包同宇治金時之後，我地打算開始周圍牛腩 ^v^首先由屋企附近做第一站 , 過左博康邨呢間鴻發香港仔粉面1. 雲吞牛筋河~ 雲吞兩粒 , 都算幾大隻蝦 , 牛筋好入味好夠淋 , 正 !湯底加左腩汁都唔係幾覺變色 , 呢味道好夠 , 唔錯 =)河粉份量十足 , 幾滑 , 個人鍾意加 D 醋食 , 佢 D 醋稀左少少2. 魚角牛腩河~ 雖然唔係幾識分牛腩o既部位 , 但上枱第一眼就令我覺得啲牛腩幾靚瘦得黎有輕輕一層白色肥膏 , 薄到我覺得唔需要咬左佢出黎 , 幾好 魚角得兩夠 , 如果再炸耐少少會更香更好味 , 加少少辣油好好味 ^^3. 炸魚皮無記錯跟粉面加 $ 7 , 都幾大碟 , 仲好好食 !! 香脆放落湯會聽到 " dic dic da da " 爆炸糖咁o既聲 , 好滿意4. 凍檸茶~ 無叫少甜都好似少甜咁 , 合我口味 , 茶味適中不帶苦味## 平靚正o既午餐 , 係今日o既一個好開始呢個端午節假 , 真係過得好開心 !! yeah ~所以話 , 好o既食物真係可以令心曠神怡 xp