金銘潮州粉麵餐廳

营业中

休息中

牛筋腩河一向都系我会拣既粉类之一。今晚同男友行经果度，见店面几靓，又光猛兼入面好多人食就心郁郁入去试食。入面装修得好高级，中式设计，感觉好舒服，比起平时去既中式食店高贵好多，似泰式餐厅既装修。碗粉分量几多，第一啖试河粉，几幼滑，之后试牛腩，哗！入唔到口，因为好厚脂肪，揾黎揾去得少少肉，脂肪对肉系3:1。肉好硬，黏牙，系肥脂入面揾到层牛筋，好冧。无疑块牛脂系煲得好冧，层层分明，但点解肉咁硬呢?男友见到我几件牛都系咁，劝我唔好食。结果只系食左河粉同菜。$32食一碗咁既质素既河粉太唔值，如果肉同筋比脂肪系3:1会较抵食。