段純貞牛肉麵 (如心廣場一期)

营业中

休息中

突然好想食牛肉面，OpenRice 揾到如心有间过江龙, 近近地走去试试去到门口都排左6,7组人等紧位，我哋排第8，可能佢限45分钟用餐时间，所以流转得算快，唔洗好耐就入到座。叫左香麻酱凉拌豆腐，红油抄手，一碗招牌红烧腱心牛肉面同一杯香芋珍珠奶茶。食物上枱速度快。最好食都系碗面！汤底好浓，忍唔住饮咗唔少汤。腱心牛肉都算入味淋身，有三块。我哋拣咗手工面，面质都唔错，有口感唔淋。个人觉得小食唔算特别出色，两个小食上枱嘅时候，D芽菜多到，净系见到一碟都系芽菜，见唔到豆腐同抄手，仲以为送错左，后来拨开一堆芽菜挖个窿先见到，可能我自己本身唔算中意食芽菜，所以觉得芽菜真系可以少返D。香麻酱凉拌豆腐，豆腐系原砖冷豆腐，滑得嚟又唔会好易烂，可以挂到酱。红油抄手都唔细粒，无认真数，应该有6粒，馅料好食有口感。不过除左太多芽菜阻住点酱汁之外，如果酱汁多啲会好好多，因为呢两个小食要多酱汁先正香芋珍珠奶茶，香芋味够，珍珠弹牙，整体都唔错。