Freshness Burger (已結業)

因有一张coupon嘅关系，特意到Freshness Burger试试。老实说，三四十元一个burger都唔算便宜，不过食后又觉得OK噃！特级双层牛肉芝士汉堡：因即叫即制嘅关系，𠮶burger够热辣辣。叫得做双层汉堡，size亦都好大。上层夹了原块鲜茄及生菜，下层则是double芝士汉堡牛肉。和一般汉堡牛肉比较，这个burger嘅汉堡牛肉明显较厚，咬落去仲好juicy，又香牛肉味，的确OK㖞！小食试了芝士烟肉焗薯皮及水牛鸡翼。芝士烟肉焗薯皮一般啦，芝士唔够香，而且颇油腻。水牛鸡翼𠮶汁应是用鲜茄配以辣酱制成，酸酸辣辣挺惹味，可惜鸡翼味道麻麻地。