坤記牛腩 (已結業)

依间铺头名就听咗好耐啦，但就未去过、今日同朋友就入咗去叫咗个炸鱼皮$26 系跟一碗清汤比你点嚟食、鱼皮好脆口，个清汤就清清地丶冇乜味！另外叫咗碗牛腩粉、牛腩米汤底味道刚刚好冇话偏咸或者偏淡，牛腩炆得淋，味道都好鲜，系好味既，佢仲落咗好多葱、啱晒我钟意食葱嘅人、如果你唔食葱就记住叫佢走葱啦！ 不过有一样野要讲嘅系以$50一碗嘅价钱来讲，我就希望佢唔好比D咁碎既河粉比人客，碎到筷子都唔使用啊，干脆用匙羹食，唔好以为我食到尾先咁碎呀、一开波已经系咁啦