新仙清湯腩 (已結業)

呢度嘅牛腩选择好多好丰富，每次嚟我都会拣唔同部位试，唔试晒又点知边个部位最正㖞~今次食嘅就系坑腩，据我所知，坑腩系牛肋骨部分，肉质好有弹性，但数量好有限，而且好多餐厅嘅坑腩都一味得个"肥"字。呢度就好体贴喇，店员问我想要偏瘦、偏肥定系半肥瘦，我就拣左肥瘦适中，咬落真系好淋好滋味，个人认为半肥瘦坑腩系最入味嘅~而且份量亦唔少，一碗有成六、七块，食得好满足！另外亦点咗炸云吞试试，外酥内软，咬开金黄色嘅云吞皮，即刻见到涨卜卜嘅肉馅，点一点香浓的酱汁，混埋猪肉粒、虾粒同香菜碎，令味道更突出。