坤記牛腩 (已結業)

今日做嘢经过九龙城，因为好忙冇食午饭， 三点几好肚饿，走咗入去面店食嘢。环境静静地，地方又清洁。佢唔系旧式云吞面舖，冇炉头喺铺面，所以冷气特别充足。 叫咗一碟牛筋腩捞粗面，大大碟好多𩠌。粗面弹牙，没有碱水味。牛筋腩更加好食，牛腩又香又淋，牛筋软绵绵又入味，冇肥膏。用咗腩汁捞面更加好味，送上一碗充满牛腩味嘅例汤，完全配合到我嘅需要。仲叫埋碟菜心，谂住少少哋食条菜，点知食落又系好似好多。饮埋樽怀旧可乐，饱晒。虽然价钱睇落有啲贵，但系现在一餐可以当两餐食，应该值得。佢仲有啲牛坑腩同爽腩未能食到，下次可以约朋友来再试。