群記清湯腩 (已結業)

之前睇人介绍过呢度算系香港数一数二嘅牛腩面，所以今日经过大埔一定要黎试下。下午两点依然人龙长长，估唔到一间望落去咁街坊、地道、”up dup”嘅铺头会系米芝莲推介。注意如果有洁癖的话，你可能会唔系几喜欢。呢度sell清汤腩，坦白讲佢个汤底真系好香牛味，加埋牛脂其实都有d油腻，但我觉得味道比起天后两间清汤腩更好味。我地点左爽腩同牛腩，个人认为牛腩比爽腩好(纯个人口味)。爽腩好软淋淋，入口即溶，但系我会钟意牛腩有d口感，咬落去d牛汁涌出黎，味道更加立体。价钱都唔算贵，真心推介比钟意食牛嘅人。-爽牛腩粉$66-牛腩面$62