GYU TOWN 牛舌專門店

营业中

休息中

深水埗呢间牛舌之前已经系人气小店，接近一年前食过一次，果阵都要排接近1个钟嘅队，食完都觉得可以再试。今次过左晚餐peak hour黎食，虽然唔使排队，但都接近满座。餐厅座位唔多，舖头都安排收纳凳可以将个人物品放喺凳入边。今次叫咗安格斯牛板腱配牛舌尖，另外升级套餐一,套餐包括汤 、沙律、汽水、饭会将白饭升级 为满溢牛舌筋温泉蛋丼。 餐汤系用洋葱，牛肉熬成嘅汤，饮落都有洋葱嘅鲜甜。升级咗嘅牛舌根饭，肉量十足，都要夹咗出嚟先食到。牛舌根食落偏甜，带有酒味，第一啖食落似台湾卤肉。细食嘅建议拣普通套餐，粒粒嘅牛舌根，大添咗饱腹感。铁板嚟到热辣辣，香气十足。铁板底部用洋葱铺满，然后再放上所选嘅肉类。除咗为肉类增添咗洋葱香味，亦都可以避免系食用期间牛肉过熟。安格斯牛板腱相对较为靭，但胜在牛味亦都够浓。相反，牛舌尖爽口，油腻感比牛板腱低。食到尾段觉得油腻，可以食套餐提供嘅子姜同味噌辣椒。味噌辣椒味道偏辣，加少少已经可以令到肉类惹味。整体喜欢食牛舌嘅可以一试。