Gyutan Toku牛舌專門店

营业中

休息中

女朋友好钟意食牛舌，今日带咗佢去土瓜湾食牛舌专门店，果然冇令我失望，牛舌专门店嘅牛舌做得非常出色。极上牛舌定食 一倍 $178牛舌表面煎得好香有好浓郁嘅炭烧香味，牛舌采用牛舌芯，食落相当软熟，而且比较特别系配上豉油同埋Wasabi，就好似食紧日式牛舌咁，而且呢个组合好夹，食落去相当清新美味。红酒汁煮牛舌定食 $118呢个系相对重口味嘅牛舌食法，配上浓郁嘅红酒汁，牛舌食落去相对浓味酸酸咸咸咁，个汁用嚟送饭一流，牛舌系炆得超级软熟，咬落系会有一丝丝嘅质感，系另一种风味。土佐豆腐 $68不得不赞呢个豆腐做得好出色，食落去外脆内软，可以炸到咁软熟嘅豆腐师傅有返咁上下功夫，加埋葱段同木鱼丝一齐食别有一番风味。梅酒 $58呢度嘅梅酒有原味同埋柚子味，原味有好香嘅梅子味。而柚子味相对地重柚子味，梅子味相对地冇咁重。