姚姚酸菜魚 (青衣城1)

营业中

休息中

呢间位于青衣青敬路31-33号青衣城1地下G01号舖噶姚姚酸菜鱼，装修风格特别，大多数都系用咗湖水绿嘅颜色，视觉上都几舒服，入面嘅位置都几阔，坐得舒服。坐低倒咗两杯茶，估唔到佢嘅茶倒出嚟噶时候会有阵椰香奶味。之后开始扫Q R code落单。蒜泥白肉，呢个比起出面平时食嘅蒜泥白肉，制作多咗啲心思，中间卷住莴笋丝，加上调配好的酱汁，食落去唔会太腻。紫苏牛蛙，牛蛙处理得干净，外面一层过咗薄薄地嘅粉，走咗油，锁住咗D肉汁，再配合啲葱，辣椒一齐爆香，一啖落去，外脆内嫩，又有淡淡紫苏香，辣度适中，牛蛙份量都几多，值得一食。炝炒手撕莲白菜,有镬气，因为叫咗唔辣，食到菜嘅甜，加上葱同蒜一齐炒，好惹味，好适合配饭。讲到白饭，呢间嘅白饭用嘅系特级米，侍应将饭放喺枱面，就闻到好香嘅米饭味，可以睇得出呢间对米饭都有返一定嘅要求。多多桃胶椰奶，桃胶处理得干净，一杯份量满满，同椰奶都几配。新鲜水果乌龙茶，茶香加上百香果香橙，清新之余又可以解油腻。唔错。呢间姚姚酸菜鱼虽然主打喺食酸菜鱼，不过佢嘅牛蛙都值得一试。