牛記茶室 (已結業)

牛记一个好街坊又亲切嘅名字...当然吧！我都算系一个小小粉丝，话晒由歌赋街食到而家有啲吊脚嘅新店，算了吧当探探我啲老朋友（蒸水蛋、萝卜牛腩煲、莲藕饼。。）哈哈！今晚食有惊喜又有失望！我先讲失望啦...竟然无我honey萝卜牛腩煲呀（因为新舖刚开张好多野未准备好而且今日牛腩煮衰咗所以唔卖得出街）、莲藕饼都无呀... 好彩有蒸水蛋但系唔知点解无见一排啲水蛋可能无做facial 老咗仲表面无咗以前嘅光滑！算了算了！再拣其他新野反而惊喜来了！超级必食推介：菠萝串香鸡（唔系好记得个名）用咗泰式辣酱黑椒汁煮嘅鸡翼，个汁超惹味又唔太辣！大人细路个个赞！！哈哈！牛记煮嘅鸡确系有一手！另外点咗鱼露鸡、玫瑰（豉油）鸡各半只，哇！第一次食鱼露鸡（冻食）以为会好咸鱼露味，点知入口就净系feel到好滑少少咸，正！玫瑰（豉油）鸡（热食）又系超滑又甜甜地，啲汁可以捞一碗饭！潮式干煎茄子，简直系又一惹味王！茄子软硬度同个汁嘅浓郁度刚刚好，其他店煮嘅茄子一般会好油或者过火喉变得淋淋身，而家刚刚好！其他𩠌仲有：土鱿肉饼、琵琶豆腐、豉油王炒面、椒盐鲜鱿、罗汉斋腐卷。