影片
更多
2010-04-10
4 浏览
今日经过牛记, 记起之前帮衬过, 决定写番上次满足的经历出黎分享下𠮶日本来想去九记食, 点知迟左一步(牛腩卖晒^^"), 所以误打误撞黎左牛记.个待应一眼见到我地都知道系第一次帮衬.问佢, 呢度有咩好野介绍呀?佢谂都唔谂就答: 肉饼!!见佢答得咁口爽, 就试下另外想食d蔬菜, 所以就叫多一碟煎酿茄子.茄子先上, 虽然表面睇落好似好油, 但系食落尚算干身, 而且好够镬气!因热辣辣整好, 中间D鱼肉食落会出烟的!而肉饼果然非常香口, 虽然都有少少油, 但系加了咸鱼粒等配料,口感层次十足 并且非常松, 唔实同唔"Lup"口.又系一样, 咬开又会出烟的!两碟都系送饭之选!讲开又讲, 呢D剪炸野都有椰菜丝铺底, 帮手隔下吸下油, 都几好-> 要一提的是, 肉饼在不同餐厅都有不同整法, 例如我地食过大坑民声冰室就系 "松,软,滑" 既风格.而牛记呢, 就系行香口风格, 所以可说是各有特色的.食完野, 谂住埋单走人, 点知话有糖水送! 原来系绿豆沙呀! 岩岩食完两大碟咁燥既𩠌,食绿豆沙清清热气最好不过虽然唔知牛记呢日煲绿豆沙系随意定系悉心安排 (知道客人多数叫d燥热野食),不过碗绿豆沙唔太
𠮶日本来想去九记食, 点知迟左一步(牛腩卖晒^^"), 所以误打误撞黎左牛记.
个待应一眼见到我地都知道系第一次帮衬.
问佢, 呢度有咩好野介绍呀?
佢谂都唔谂就答: 肉饼!!
见佢答得咁口爽, 就试下
另外想食d蔬菜, 所以就叫多一碟煎酿茄子.
茄子先上, 虽然表面睇落好似好油, 但系食落尚算干身, 而且好够镬气!
因热辣辣整好, 中间D鱼肉食落会出烟的!
而肉饼果然非常香口, 虽然都有少少油, 但系加了咸鱼粒等配料,
口感层次十足 并且非常松, 唔实同唔"Lup"口.
又系一样, 咬开又会出烟的!
两碟都系送饭之选!
讲开又讲, 呢D剪炸野都有椰菜丝铺底, 帮手隔下吸下油, 都几好
-> 要一提的是, 肉饼在不同餐厅都有不同整法,
例如我地食过大坑民声冰室就系 "松,软,滑" 既风格.
而牛记呢, 就系行香口风格, 所以可说是各有特色的.
食完野, 谂住埋单走人, 点知话有糖水送!
原来系绿豆沙呀!
岩岩食完两大碟咁燥既𩠌,
食绿豆沙清清热气最好不过
虽然唔知牛记呢日煲绿豆沙系随意定系悉心安排 (知道客人多数叫d燥热野食),
不过碗绿豆沙唔太甜, 豆蓉同豆粒既比例岩岩好, 仲俾到好贴心既感觉我地...
所以呢一餐完结得非常窝心呀!
张贴
