正九清湯腩 (群星大廈)

营业中

休息中

我屋企好钟意食牛，可以叫做话系牛魔王嘅😂 成日买牛腩返屋企加𩠌。寻日去左观塘裕民坊对面嘅小店买牛返屋企加𩠌。餐厅选择劲多！ 有清汤做底，又有咖哩做底。有面拣又有捞面食。我拣左清汤做底嘅全家福。个名好有代表性😂 佢除左牛内脏，有四个部位： 牛肚/牛筋/牛坑腩/崩沙腩。每样牛大概有8-10件，都几足料。一兜170蚊，非常聚手，分量足。 我觉得啲牛非常高质。同埋全家福呢个组合好适合唔食内脏嘅朋友。崩沙腩好好食，每一嚿都比筋膜同脂肪包住，爽口得嚟有油香味，加埋肉香味，唔错。坑腩肉香味好浓，肉嘅纹理好靓，油香味足够。好正。系高质冇雪味嘅坑腩丫。牛肚炆得好林，林身得嚟仲有啲爽口嘅感觉。牛肚亦都索晒清汤嘅味道，好味。