遊園

营业中

休息中

系戏曲中心欣赏完粤曲后落去「游园」食返餐饭！装修上同戏曲中心融为一体！菜式上都好多元化。今晚食左8样嘢连埋甜品第一道「焦糖菠萝西班牙🇪🇸黑豚叉烧」，叉烧系半肥瘦再用焦糖去烧制🍖，同埋每旧叉烧中间加块菠萝🍍，用菠萝🍍嘅酸甜味去中和返焦糖同埋叉烧嘅油腻，十分好食😋「姬松茸炖水鸭汤」，饮落清甜不油腻，鸭肉🦆鲜嫩！炖汤材料会另上。「辣子鸡」，如果食得辣🌶嘅你或者你系钟意食劲辣🌶🌶🌶嘅就啱晒啦，呢个辣子鸡🐓鸡肉外脆内嫩，每件鸡都非常香辣！「浓汤酸菜龙趸球」，一般酸菜鱼系用草鱼去做，但游园用龙趸球制作，肉质非常鲜味嫩滑，再加埋酸菜麻香香味口感一流🫠「金牌烧鹅」，食落去皮脆肉香，食完齿颊留香。「梅菜蒸菜心」，呢个家乡风味系用腌制过嘅梅菜咸味🧂提升配搭清脆嘅菜心，清新口感！「台山手工黄鳝煲仔饭」，厨师悉心将黄鳝肉切碎，将肉同饭捞匀一齐煮，食落每啖饭都会食到黄鳝肉。「桑寄生蛋茶」，配有莲子红枣，每啖都有甘甜味，落材料同足心机时间去制作，值得一赞！👍🏻总括比分系有4分，真系最值得一赞系个焦糖菠萝西班牙🇪🇸黑豚叉烧同桑寄生蛋茶真系可以一试。