遊園

营业中

休息中

第二次去戲曲中心，上次睇話劇匆匆走過，今次才細覧一下。週邊環境不錯，遠眺維港景色，欣賞晚霞，來港親友正好可以拍照留念。中心內部設計特別，具寬敞休憩空間，我地帶埋小朋友去，佢地週圍行得好開心。餐廳環境都唔錯，有幾張加高用嘅BB櫈，不過唔係最穩陣估啲款，要自己睇實小朋友。圓枱夠大，一行11大人2BB都夠坐。我地叫十人套餐另加燒鵝，份量非常足夠，每樣味道都幾好，其中我最推介話梅溫室蕃茄，燒鵝，沙巴龍躉，鹽焗雞。見其他枱有家庭聚餐，公司同事聚餐等。呢個地方都適合家庭聚餐嘅。不過下次結賬時應該小心check清楚，我地睇漏眼，佢寫錯左幾個飲品入我地數，查實我地冇叫過飲品。

遊園(香港)，位於香港尖沙咀柯士甸道西88號戲曲中心地下2-3號舖。店內以開放式庭園設計為主，古典簡約風格。餐廳主打中菜，我們點套餐和預先訂了燉湯。套餐的每款菜式都發揮得很平均，而我最喜歡是夠鑊氣的小炒皇和香脆可口的黃金脆魚皮。姬松茸燉野生水鴨湯味道鮮甜濃郁，湯料豐富。整體款式多，價錢非常親民，服務不錯。🏷️溫馨提示～ 整個用餐體驗均屬個人分享意見， 只作參考😊。遊園(香港)地址: 香港尖沙咀柯士甸道西88號戲曲中心地下2-3號舖

忍不住寫食評！其實黎之前己經睇過評價，頭3個係連續差評，但我都想比次機會佢，點知一食就伏，可能因為貴，所以先會覺得吾值。4碟餸$600幾蚊，水準仲差過一般茶餐廳，你會點揀？真係冇下次！影相睇落好似係好好味，但實際冇一樣餸好食🥲，如果真係要揀既話，就係芫茜麵入邊粒牛丸算叫做食得落口了。其他就算吧啦～餐廳入邊仲有蚊

餐廳的環境看來代表香港的地標，每次經過都見到滿堂客人，心想這間餐廳一定食物一定好好食😋才吸引到顧客來品嘗。我就是被它的𤫟環境所吸引、還有它的黃鱔飯標榜為台山正宗風味吸引我們前往品嚐。我們就去到餐廳，入座時六點服務生講好這7時30分就要交還枱，等下輪客人，我們當然客都冇問題，即刻嗱嗱臨點菜。服務員的態度好似愛理不理，睇嚟佢哋嘅生意唔優做。叫完菜不到二十分鐘菜全部上晒 ，睇嚟啲菜式都係一早整好熱返去就是了。菜的味道還可以，不過係咪呢度啲人冇乜味覺？都是偏鹹。最另我哋失望的並唔係菜 ，而係個态度問題，我哋都未食完啲菜就想收返，時間都未到就叫我哋埋單。大約7時十分到，就叫我哋讓座離開，我哋話都未到7點半，你都估唔到個個似係樓面部長講，你哋都冇叫食物了，所以就叫你哋走喇⋯⋯客人以到，大佬啊你嘅客人嚟到你可以安排他坐另外一邊等，我哋可以坐到咁上下就會走啦，真係想唔到係咁嘅地區，可以話香港的標誌地方，咁嘅態度點會吸引客人？入去餐廳已經沒有見到一個容，難怪啲人不上消費，這間餐廳希望他走得落去啦⋯⋯

今日一家三口朋友介紹去咗這一間諗住試他的名菜。我哋大約6:00到我哋喺第二圍枱。環境都舒適安排卡位唔知係咪轉咗師傅真係唔多掂特別係個環梅蕃茄甜到一個程度係十級糖。炸小黃魚太油，外邊嘅粉實在太厚。最好食就係個鱔煲。另外我哋嗌咗例牌燒鵝，感覺沒有後悔有加錢要上髀莊，如果唔係應該冇肉食。本身係滿心期待地去這一間酒樓試吓他的名菜結果大失所望。最特別嘅地方就係跟清水，如果需要茶水就要加錢。最平都要$68 。根據不同嘅茶種你可以選擇。

我看了其他人在Open Rice的食評，帶了家人一起試菜，一枱4人合共港幣$1839。我沒有影食物的相片，只能提供帳單，以下是我和家人對食物的評價。1.煙燻脆皮吊燒雞 - 肉幾嫩，但師傅的刀功麻麻，斬到變《手撕雞》，雞型類似燒春雞的size，細細隻，可作為前菜。2.啫啫芥蘭煲 - 咸魚太多，全碟菜太咸。3.茉莉醉香雞 - 味道就像隔了一夜，從雪櫃拿出來的雪藏雞，太重雪櫃味。4.桂花脆生蠔 - 皮脆，蠔肥美，但配上桂花蜂蜜就有點怪怪。5.蒜蓉粉絲蒸蟶子 - 淡淡的豉油色澤，嘗不到豉油味道。這道菜的名字與實物是一模一樣，只有蒜蓉和粉絲一起清蒸蟶子，沒有其他。6.燕麥金沙蝦球 - 最難忘的一道菜。蝦球炸到像豬肉硬，太多咸旦黃，令到燕麥像粗鹽。7.話梅陳皮梳打 - 兩粒話梅有點像環保話梅，它們好像浸了10多杯後的淡淡味道。我們用膳後，善意向服務員提出食評並請廚房師傅在日後改善一下，服務員提點我，我食完才講，下次食第一件，覺得唔好食，要立即出聲，我咁遲才講。我妹妹向另一位經理反映，那位經理像一般的《意見箱》的回應，就像聲音從他的左耳傳到右耳，然後消失於空氣中。算吧！我們不再光顧，就是最大的改善。

之前來到戲曲中心的亦會到訪的一家餐廳-遊園。有戲曲，怎會不遊園？是次用膳時間是午餐，總體來說食物味道、材料都不錯，唯繁忙時間需要大量耐心等候。刴椒魚腩蒸飯味道：⭐️⭐️⭐️⭐️（滿分5星）材料：⭐️⭐️⭐️⭐️價錢：⭐️⭐️⭐️

台山黃鱔煲仔飯，鱔肉大大塊，有飯焦，足料好食百合炒爽雜菜，多種顏色，感覺好有益。菜名的百合只佔少量，主要是甜豆，還有紅、黃燈籠椒，馬蹄，黑木耳。鍾意食呢個，幾乎比我一個人食晒。菠蘿叉燒，上碟造型是菠蘿樣，有擺盤的面頭是燒到焦糖脆的菠蘿蓉，底下的叉燒起雙飛的中間夾片菠蘿，有特色得嚟又幾夾，叉燒夠淋，有肥肉。有姿勢有實際。甜品是腰果奶露，上枱一揭盅就聞到好香，甜度適中，杰身飽肚，最好兩份食，開心share。

呢間餐廳比較隱蔽，喺路面行經戲曲中心，要經條大斜路行上一層先見到，如果你以為喺呢啲地方食嘢一定貴價唔飽，咁就錯喇。我第一次就係為咗佢好出名嘅芫茜湯麵嚟食午餐。好滿意，今次就同朋友嚟試晚餐！七味金磚豆腐調味適中，唔會太鹹太濃味，豆腐夠滑又有啲脆口。文昌雞煮得夠入味之餘雞肉又夠滑。梅菜蒸菜心梅菜味道剛剛好不濃不淡，令到菜心都好惹味。芫茜湯拉麵呢款招牌菜當然要點啦，佢啲芫茜夠曬多又新鮮，成碗湯都係綠色嘅，好夠味，我連湯都飲曬！飯後叫咗幾個甜品全部都好出色。下次想食芫茜一定會諗起呢度😆

星期三晚上八點幾， 在OpenRice check過時間， 見這一間店收10 點，又近近地， 就行咗入去食晚飯，本身我哋想坐室外 ， 因為冇人帶位，我哋自己坐低，有個女侍應就叫我哋坐返入去室內， 我哋坐低咗唔想搬嚟搬去，佢又話室外要坐第二張枱，因為闊啲， 根本每一張枱長闊高都係一樣，我真係唔知佢講乜，坐低咗就企喺我隔籬拎住支筆吹我落單， 真係未見過有餐廳咁樣逼人落單，行開1分鐘俾人睇一睇都唔得，趕收工。 茶都唔可以俾你， 俾咗一壺白水。入去問過男人， 收銀處裏的， 佢就話茶要另外收錢，咁嘅人都有？ 成千蚊一餐飯都食得起真係睇唔起人俾唔起茶位咩？ 你係咪照收囉，趕時間收工都唔使咁㗎，真係受氣，啲餸菜嚟咗唔夠一陣就不停收碟， 食物從來背脊骨落如果你要收工咪唔好再俾我哋行入嚟囉， 入嚟之前有問你同你哋再三確認， 係咪閂門先俾我哋入？錢又要收， 食物同服務又唔提供

最近才發現戲曲中心有間美味又親民的中菜館🤩 「遊園」供應多款小炒、海鮮、燒味等菜式，碟碟足料又美味，加上古色古香的典雅裝修，非常適合一班人/家庭聚會呢🥢前菜【金桔醋青瓜】及【茉莉醉香雞】非常開胃，尤其喜歡醉雞，微微酒香加上茉莉的清香非常美味！【雞樅菌腰果炒龍蝦球】鮮甜帶微辣，爽口的龍蝦球令人印象深刻🦞色澤漂亮的【湘式紅燒肉】肥而不膩、口感軟腍，與麻香十足的【川味麻婆鴨血豆腐】均是配飯一流！入秋當然要吃【台山手工黃鱔煲仔飯】🍂 煲仔飯香口入味，米飯粒粒分明，真是滋補又美味！最後以【薑汁撞奶】及【九年百合紅豆沙】作結，滿滿暖意🫚🤍

今次介紹嘅中菜廳「遊園」，名字來源於經典名作「牡丹亭」嘅《遊園驚夢》。室內設計重現「牡丹亭」嘅中古代驛站，配以傳統木構打造屋頂，極具古典氣息。金桔醋青瓜爽脆青瓜配搭酸甜金桔醋，非常開胃。傳統焗蠔砵內餡加入咗油炸鬼、肉碎、桶蠔和韭菜。另外蠔砵焗到金黃色，每一啖都係蠔嘅鮮甜味。樟樹港辣椒辣炒和牛面頰香濃嘅樟樹港特產辣椒爆炒和牛面頰，辣度適中，和牛面頰熟度剛好。濃湯酸菜龍躉球份量好多，選用肉厚嘅龍躉球。酸菜湯加入咗花椒、辣椒乾等等，帶來唔同程度嘅辣香。遊園帶子螃蟹加入咗龍蝦、帶子和螃蟹肉，多款海鮮嘅鮮味融為一體。生磨腰果鮮奶露每日新鮮磨製，好香腰果味。

最近去咗位於西九龍文化地標嘅 Peony Garden 遊園，真係一個好靚嘅地方！室內裝潢精緻，重現咗《牡丹亭》中的《遊園驚夢》，坐喺裡面食飯感覺特別有氣氛✨。今次試咗以下幾道菜式：1. 金桔醋青瓜🥒 清爽可口，金桔嘅酸味令青瓜更加開胃，真係好適合作為前菜！2. 黃金脆魚皮🐟 魚皮炸得金黃酥脆，每一口都鬆化又香脆，絕對係一個好開胃的小食。3. 傳統焗蠔砵🦪 鮮嫩嘅焗蠔，配上特製醬汁，令人一試成主顧，味道濃郁！4. 頭抽煎八頭虎蝦🍤 虎蝦肉質鮮甜，搭配頭抽調味，味道一流，令人一口接一口。5. 紅燒肉🍖 肉質軟滑，醬汁濃郁，搭配白飯簡直係完美！6. 金勾啫啫芥蘭煲🥦 芥蘭煮得恰到好處，保持咗脆口感，啫啫汁更添風味。7. 歌樂山鴛鴦雞🍗 雞肉嫩滑，田雞都好肥美，味道香濃，真係好滿足！8. 經典台山菜果臘味煲仔飯🍚 醬油香味十足，臘味搭配米飯，令人回味無窮。9. 九年百合紅豆沙🍵 作為甜品，紅豆沙細膩香滑，百合嘅清香令整體口感更上一層樓。總括來講，Peony Garden 遊園真係一個唔容錯過嘅好地方！無論係環境、服務定係

位於作為文化藝術聚集地嘅戲曲中心內，餐廳特設復古打卡位「牡丹亭」，牆身繪畫了栩栩如生嘅牡丹花，散發濃厚懷舊氣息✨ 以各國食材及烹調手法重新演繹經典粵菜，充滿特色☺️❀ 舟山海蜇頭 🥢海蜇頭口感爽脆，加入木耳及石榴作配菜，酸辣惹味，係一道唔錯嘅開胃菜😚❀ 遊園素鵝 🥠以腐皮卷包裹住蘿蔔及木耳絲，外層金黃酥脆，內餡爽脆清新，層次感好豐富🥰❀ 傳統焗蠔砵 🦪焗蠔砵金黃香脆，內餡融合桶蠔、油炸鬼、肉碎及韭菜，鮮香多汁，配上特製醬料更添風味☺️❀ 樟樹港辣椒辣炒和牛面頰 🐮和牛面頰質感軟嫩，搭配樟樹港特製嘅辣椒醬及三色椒炒成，香辣惹味😝❀ 濃湯酸菜龍躉球 🐟好大盤酸菜魚😍 龍躉肉質鮮嫩彈牙，啖啖肉又有骨膠原好正！加埋酸菜及寬粉食酸辣開胃，配料好豐富～❀ 龍蝦帶子賽螃蟹 🦞經典上海菜之一✨ 特別選用龍蝦肉、帶子及蟹肉整成賽螃蟹，令味道更顯鮮甜😍 當中加入日本蛋及頭抽調味，更突顯其鮮味！❀ 涼瓜煎蛋角 🍳上枱時呈星星形狀✨ 煎蛋角外脆內軟，配埋爽脆嘅涼瓜食好夾❀ 生炒牛崧飯 🍚經典中式炒飯，炒得夠香又有穫氣❀ 生磨腰果鮮奶露 🥣最後嘅甜品有驚喜❤️ 腰果奶露質地濃稠，散發陣陣腰果香氣，每啖都食到腰果粒粒，

戲曲中心入面原來有間好鬼正嘅中菜餐廳，呢日跟同老婆大人同朋友一齊去食飯，估唔到都幾出色好有驚喜喎。間餐廳就喺西九龍戲曲中心入面嘅遊園，餐廳嘅裝修好古色古香都幾有味道㗎。先嚟叫兩個前菜嘆吓！呢個同平時食嗰啲青瓜有啲啲唔同，佢係用咗金桔醋嚟配青瓜嘅前菜，除咗清甜爽口嘅青瓜之外加埋酸酸地嘅金桔醋味道特別清香。食完個清新嘅就嚟過邪惡黃金脆魚皮！鹹蛋黃包喺啲炸香嘅魚皮度又點會唔好食吖，呢個時候真係想整返杯啤酒嘆吓。不過年紀大都係唔好飲咁多酒喇！整杯小朋友口味嘅脆脆好立克，加咗啲穀物脆脆有口感好得嚟仲好香甜添。頭抽煎八頭虎蝦大大隻鬼咁厚肉，嗰陣豉油嘅味真係好香食落去勁鮮甜爽口真係冇得彈啊。傳統焗蠔砵整得好乾身蛋味又濃又香，加埋粒粒新鮮嘅蠔肉已經好好味，入面仲加咗補身嘅韭菜令個味道更加鮮明突出。歌樂山鴛鴦雞係用咗雞肉同埋田雞嚟整嘅，雙雞都炸到勁酥脆仲要辣度勁好鬼香口同惹味，不枉我留住兩行眼淚嚟食佢。跟住呢個湘式紅燒肉熱辣辣用煲仔上枱啱晒呢個天時食！紅燒肉炆到好化口仲要肥得嚟一啲都唔漏，加埋個好香甜嘅醬汁真係可以扒兩大碗飯呀。金鈎啫啫芥蘭煲熱辣辣香噴噴咁上枱勁正！脆卜卜嘅芥蘭好嫩口同埋好有菜味，加埋啲